TRIP FLARE

 TRIP FLARE

1.     Shuru Shuru ka kam.

(a)    Ginti aur group mein bant.

(b)    Flare ka mulahiza.

(c)     Bandobast ki karwai.

2.     Pahunch.      Chhoti aur sabaq se sambandhit.

3.     Uddesh.            Trip flare ko lagana, arm aur disarm karne ka tariqa sikhana hai.

4.     Saman.              Trip Flare.

5.     Bhag.

(a)    Bhag I.      Trip flare ka saman aur hisson purzon ka nam.

(b)    Bhag II.     Chal.

(c)     Bhag III.   Trip flare lagana.

(d)    Bhag IV.   Trip flare ko arm karna aur urana.

6.     Bhag I  : Trip flare ka saman aur hisson puzon ke nam.

(a)    Picket hisson ke  nam (Main post, side prong, side arm).

(b)    Spring arm hisse ke nam (arm, spring, link, safety pin, clamp nut).

(c)     Flare pot hisson ke nam (pot, wing nut, jaw aur safety pin).

7.     Bhag II : Chal.     Yeh ek ignite hone wali kism ka flare hai. Yeh spring se kam karta hai. Is par ek plate se control rakha jata hai. Jyon hi trip wire ko khinch diya jae ya bojh par jae, to striker mechanism azad ho jata hai. Striker cartridge ke pende par thokar marta hai, jisse shola nikalta hai aur flare ko aag lag jati hai.

8.     Bhag  III : Trip Flare Lagana.

(a)    Picket.       Flare lagane ke liye ilaqa chun lene ke bad dono taraf ek-ek picket aapas mein thik right angle par garo.   Dhyan rahe side prong andar ki taraf ho.  Picket side prong ki jagah tak zamin mein garo.

(b)    Spring Arm.    Spring arm ko us picket ke main post par jis par flare pot lagana ho is tarah lagao ki main post ke najdik harkat na ho sake aur is ka spring dushman ke ane ki tarah ho.

(c)     Wire Spool.      Spool se pin ko hatao, ring ko us picket ke main post mein lagao jis par flare pot na lagana ho.  Phir trip wire ko dusre picket ki taraf le jao aur spring arm ke clamp ko dhila karte hue us ke gird chakkar dedo.  Yeh tasalli karne ke bad ki trip wire itni khinchi hui hai ki spring wing pure faile hue hai clamp wing nut ko kas do.

(d)    Flare pot. Sabse pehle safety pin ki rassi ko wing nut se dhila karte hue isse alag karo.  Ab flare pot ko us picket ke age jis par spring upar laga hai, is tarah se main post aur side arm mein fansao.  Flare pot ke niche wale wing nut ko dhila karo.  Trip wire clamp ke jaw se gujaro aur nut ko kas do.

(e)    Utarna.  Utarne ki karwai lagane ki karwai ki thik ulta karo.

9.     Bhag IV : Trip Flare ko Arm Karna aur Urana.       Trip flair ko arm karne ke liye safety pin ko is tartib se nikalo. Pehle spring wing se aur phir flare pot se nikalo, dhyan rahe, safety pin ko nikalte samay kam karne wale ko flare pot ke upar nahi jhukna chahiye.

(a)    Disarm karna.  Flare pot ka safety pin  lagao aur bad mein wing wali safety pin lagao.         

(b)    Udana.       Flare ko do tariko se udaya jata hai :-

(i)     Katkar. 

(ii)    Chalte hue tar ko dhakel kar ya khinchkar.

(c)     Blind par karwai.     Agar flare blind ho jae, to muh ko niche rakhte hue pot bari asani se utaro aur demolition charge se barabad karo.