FIRE DISCIPLINE AUR FIRE CONTROL ORDERS

 

FIRE DISCIPLINE AUR FIRE CONTROL ORDERS

 

 

 

1.         Paribhashayen.

 

(a)     Fire Unit.  Woh hathiyar band toli, jo ek commander ke hukam ke nichhe fire karti  hai, jaise ki ek section.

 

(b)     Fire Unit Commander.  Jo ohededar fire unit ke fire par hukam ya ishare dwara control karta hai use fire unit commander kahte hain. Jaise ki ek Section commander.

 

(c)     Fire Control Orders.  Woh hukam jo ek fire unit commander, target par fire karwane aur usparr kabu rakhne ke liye fire unit ko deta hai.

 

(d)     Fire Direction Orders.  Yeh wo hukam  hain jo ki ek Fire unit commander apne  se unche darje ke commander se leta hai, Ismen fire  ki tadad, target par fire kab khola jayega, ityadi ke hukam diye jate hai. Section commander, Platoon commander se Fire Directions Order leta hai. udhaharan, Platoon commander ke Fire direction order 51mm Mortar det ke liye. ”Mortar det Commander, 50, thoda bayen, spur par jhari, Platoon ka Fire base. Mortar det platoon ko, covering fire dega”.

 

(e)     Arc of Fire.  Yeh ek sub unit ya hathiyar ka zimmewari ka ilaqa hai jismen ki use target engage karna hota hai. Iska dahina aur bayan had zamini nishan ke dwara bataya jata hai. is Arc of fire, main kuch madad ke nishan chune jate hai. 

 

(f)      Field of Fire.  Yeh woh ilaqa hai jismen ki hathiyar kargar fire dal sakta hai.  Arc of Fire , Field of Fire ka ek hissa hota hai.  

 

2.         Fire Control ke Usul.

 

(a)      Fire tabhi karen jab:-

 

(i)          Dushman kargar fire range mein ho.

(ii)        Surprise kho jaye.

 

(b)    Asardar Fire. Dushman/ target ko marne ya barbad karne ke liye, fire kiya jaye, na ki darane ke liye. 

 

(c)   Auto hathiyar se burst fire.

 

(d)   Ammunition ki bachat. (Sahi fire discipline)

Fire Control Orders

 

3.         Fire Control Orders char prakar ke hote hain:-

 

(a)      Full Fire Orders.

 

(i)          Nukta Target Ke liye.

(ii)        Faile hue Target ke liye.

 

(b)      Taiyari ka Fire Order.

(c)       Mauke ka Fire Order.

(d)      Achanak ya chota Fire Orders.

 

4.    Full Fire Orders.  Yeh Fire Orders tab diye jate hai jab fire unit commander ke paas prayapt samay ho aur target duri par ho. Yeh tafseel mein diye jate hain. Yeh do kism ka hota hai.

 

(a)     Nukta Target. Yeh us samay diye jate hai jab ki dushman ek point (nukta) target banta hai. Jaise ki (LMG Group 500, Hulldown tree, dushman ka sniper, ek burst fire.)

 

(b)     Faila hua Target. Yeh us samay diye jate hai jab ki dushman ek ilaqa mein faila  hua hota hai. Jaise ki, (No 1 Section 300,Tuti futi zamin mein jhari ki piche aur aas-pass ke ilaqe mein dushman ka ek section faila hua hai. LMG Group 2 burst aur Rifle Group, 5-5 round fire.)

 

5.    Taiyari ka Fire Orders.  Yeh fire control order us samay diye jate hai jab ki dushman kargar range se bahar ho aur apni taraf harkat/ advance kar raha ho, yani hukam dene aur asar mein fire kholne mein samay lagega. Jaise ki (No 1 Section 800, Lal jhari ke ilaqe se dushaman ka ek section hamari taraf advance karta hua. Mar ke ilaqe mein ane par mere hukam se fire hoga). Fire kholne ka initiative commander apne pass rakh sakta hai ya sub unit par chhor sakta hai.Jaise ki mar ke ilaqe mein ane par (LMG Group 2 burst fire, Rifle Group 3 round fire).

 

6.    Mauke ka Fire Order. Yeh fire order us samay diya jata hai, jab ki har ek jawan ko apne aap mauke ke mutabik fire karna ho. Jaise ki (No-1 Section, dushman tuti futi zamin mein chhup gaya hai najar ane par fire). Ismen har jawan apni sujh- bhuj aur fire discipline ka khyal rakhte hue dushman par fire karta hai.

 

7.    Achanak aur Chhota Fire Order. Yeh fire order us samay diye jata hai jab ki dushman achanak nazdik fasle par nikal kar  surprise kar deta hai. Jaise kih (No 1 Section aim down - dahine dushman fire).

 

 

 

 

Fire Control Order ki Tartib

 

8.        Hukam hamesha mukarar ki hui tartib se dena chahiye taki koi baat chhut na jaye aur samjhne mein asani ho. Tartib is prakar hai:-

 

(a)      G        - GROUP                   - Jis unit ya sub unit dwara fire karwana ho.

(b)      R        - RANGE                   - Apni jagah se target ka  fasla.

(c)       I          - INDICATION           - Target ka bayan.

(d)      T         - TYPE                       - Fire ki kism.

 

Dhyan Mein Rakhne Wali Baten

 

9.    Fire se Pahle.  Fire unit Commander ko fire order dene se pahle nimnlikhit baton ko dhyan mein rakhna chahiye.  

 

(a)      Range           - Kya dushman hathiyar ki range mein hai?

(b)      Surprise        - Kya surprise haasil karne ke liye fire ko thori der roka jaye?

(c)       Hathiyar        - Konse hathiyar se sabse achha natija haasil kar sakta hai? 

(d)      Rate of Fire - Rapid fire aam taur par in maukon par karwana chahiye?

 

(i)          Jab dushman ko Surprise karna ho.

(ii)        Assault mein covering fire dete samay.

 

(e)   Fire par Control - Initiative khud ke paas ya sub unit ko de diya jaye. 

(f)    Zimmewari.

 

10.      Orders ke Dauran Dhyan mein Rakhne wali Baaten.

 

(a)      Hukam saf, dhire aur kam lafzon mein de diye jayen. 

(b)      Awaj itni unchi ho taki saf sunai den.

                             

(i)          Jab tak surprise barkarar ho to fire control orders ya to dhimi awaj mein ya mukarar hue field/ sound signal se den.

(ii)        Surprise kho jane par unchi awaj mein order den aur sunne wale jawan hukam dohrain taki sabhi ko malum chal jaye.

 

(c)       Tamam baten hukam ke taur par hon.

(d)     Orders mein waqfa hona chahiye taaki jawan uspar saath saath amal kar saken. 

 

11.      Fire ke dauran istemal kiye jane wale shabd:-

 

(a)      Stop aur jari kar.

(b)      Dahine/ Bayen.

(c)       Dhire/ Tez.

(d)      Upar/ Niche.

 

Attack aur Defence mein Fire Discipline ko Kayam Rakhne Wali Baten

 

12.     Kathin se kathin paristhion mein bhi hukam ya  pahle se mukarar  ishare ke bina fire na kholne ko fire discipline kahte hain. Fire discipline kayam rakhne mein nimn baten madad karti hai.

(a)       Bagaer hukam ke fire nahin karen. Isse surprise kho jata hai. Fire us samay kholna  chahiye jab yeh yakin ho jaye  ki dushman ka koi bhi jawan bach nahin sakta.

 

(b)      Fire dushman ko barbad karne ke liye dalna chahiye.

 

(c)      Raat ke samay mein fire karte samay khas dhyan den ki kisi bhi harkati chiz par fire khol diya jaye.

 

Defence.

 

13.      Defence ke dauran Fire Discipline is prakar kayam rakha jata hai.

 

(a)      Hukam saaf ho aur nimn baten shamil hon:-

 

(i)          Arc of fire - Primary aur secondary.

(ii)        Fixed Line.

(iii)       Defensive Fire Task.

(iv)       Fire kholne ki had.

 

(b)      Fire kholne aur band karne ke ishare.

(c)       Illumination ka hukam.

(d)      Indirect fire ka sahi istemal.

(e)      Ammunition ki bant.

(f)        Briefing.

 

14.      Attack.

 

(a)      Fire base ke sab hukam - banawat, jagah, fire ki bant aur samay.

(b)      Fire kholne aur band karne ka ishara.

(c)       Ammunition ki baant.

(d)      Indirect fire ka sahi istemal.

(e)      Detailed briefing.

 

Fire Discipline ko Achha Banaye Rakhne ke liye Dhyan dene  Wali Baten

 

15.     Fire discipline ko aacha banane ke liye nimnlikhit baten dhyan mein rakhni chahiye.

 

(a)      Fire discipline ke usul training mein shamil kiya jaye.

(b)      Ek morche mein sabhi naye jawan na ho.

(c)       Fire kholne aur band karne ke ishare mukarar hon.

(d)      Sentries jodi mein hon.

(e)      Bina dekhe fire na karen.

(f)        Faltu harkat na karen.

(g)      Ilaqe ki jankari sabhi jawanon ko ho.

(h)    Kabhi kabhi morche mein commander ko khud jakar fire control karna par sakta hai.

 

16.     Fire discipline aur fire control orders tactics ke buniyadi usulon mein ek hai. Larai ke dauran ammunition, harkat, hathiyar ka sahi istemal aur dushman ko zyada se zyada nuksan tabhi ho sakta hai jab Officers, JCOs aur NCOs fire control orders ka istemal samajhdari se karen.