5.56 MM INSAS LMG KE ZEROING KA TARIQA

 

5.56 MM INSAS LMG KE ZEROING  KA TARIQA

 

Pahunch

 

1.      5.56 MM INSAS LMG ek bahut hi accurate aur kargar hathiyar hai jo ek sec ko bhari matra mein fire girane ki kabliat deta hai. Kisi bhi hathiyar ka accurate fire girane ki kabliyat uske durust zeroing par nirbhar karta hai. LMG diye hue range par durust fire kare iske liye zaruri hai ki uska durust zeroing kiya gaya ho.

 

2.      Zeroing kisi vayurahit wale din mein kiya jana chahiye. Zeroing ki karwai sight par 200 m par sthir karen,zamin par ya 150 m ki range par karna uchit rahti hai. Aisa karte waqt posn lying supported aur LMG bipod par honi zaruri hai.

 

Uddesh

 

3.      5.56 MM INSAS LMG ko zero karne ka tariqa sikhana hai.

 

Saman

 

4.      5.56 MM INSAS LMG, Tool adjusting,Fore sight and back sight.

 

Bhag

 

5.      Yeh sabak do bhagon mein banta jayega.

          (a)     Bhag I:   Zeroing ki paribhasha,Faide nuksan aur zaruri baten.

          (b)     Bhag II   :   Zeroing ka tariqa

 

BHAG I :  Zeroing Ki Paribhasha,Faide, Mauke Aur Zaruri Baten

 

6.      Paribhasha.    MPI ko POA par pahle se diye gaye sthan par lane ke liye hathiyar ki sighton par upar niche aur daye bayen ki galti ko dur karne ke liye jo tabdiliyan ki jati hai is karwahi ko zeroing kahte hai. Zeroing se line of sight aur trajectory ke bich ke farq ko samapat ya manjur shuda kiya jata hai.

 

7.      Faide.    Zeroing ke chand ek faide is parkar se hain :-  

(a)     Hathiyar aur apne aap par bharosa.

(b)     Shoot to kill (ek goli ek dushman ka mudda hasil hona).

(c)     Classification fire ka natija accha.

(d)     Amn ki bachat.

 

8.      Mauqe.      Zeroing ke mauqe is parkar hai :- 

(a)     Accuracy par shak hone par.

(b)     Jab LMG nai issue ho.

(c)     Ek jawan se dusre jawan ko di jae ya li jae.

(d)     Classification fire karne se pahle /Clasification fire mein jane se pahle.

(e)     Larai mein jane se pahle.

(f)      High altitute mein jane ke baad aur ane ke baad.

(g)     Badi repair ke baad.

 

9.      Zeroing Ke Waqt Zaruri Baten :-    Zeroing ke waqt chand ek baton ka dhyan rakha jata hai taki thik  aur durust zeroing ho sake :-

 

(a)     Firer.Har ek jawan apni apni rifle ko khud hi zero karta hai lekin LMG ek sec ka hathiyar hai. LMG NO 1 aur NO 2 milkar handle karte hain aur isko zero karne ki zimmewari bhi NO1 aur NO2 ki hai. Aise halat mein dono acche firer hone chahiye :-

(i)       NO 1 LMG ko zero karta hai aur sec ke baki jawan isse check group fire karten hain aur apni shist mein tabdili ka andaja laga lete hai.

 

(ii)    Jahan tak ho sake firer 30.5 m range per group ki kabliyat 4 cm(3.8cm) aur 100 m range par 12cm (11.4cm) rakhta ho.

 

(iii)   Agar Rect ko fire karna ho to ustad khud LMG ko zero kare aisa karne se amn aur samay ki  bachat hoti hai.

 

(b)     Hathiyar.    Aam taur per LMG ko bipod se hi fire kiya jata hai is liye chahiye ke :-

 

(i)          Hathiyar acchi tarah se tuning up aur stocking up ho.

 

(ii)        LMG bipod par ho aur lying Posn  se pivot shoulder supported ho.

 

(iii)     Zero karne se pahle 10 Rds ka burst (Auto fire ) barrel garam karne ke liye stop butt par   fire kar lena chahiye. 

 

(c)      Target.   Yadi aap 30.5 m se zero kar rahen hain to target 1'x 1' aur 100 m se 4'x 4' hota hai. Is per kale rang ki chindi ka size 9''X 9'' aur uske niche wah bich mein aiming mark ka size 3''x4.5'' hoga. 1'X1' target per aiming mark ka size 1''x .75'' hota hai.

 

(d)     Range.   LMG ki back sight par hamesha 200 m hi range lagi honi chahiye aur ground per 30.5 m ya 100 m hi range honi chahiye.

 

(e)     Mausam .    Saaf,Hawa ke asar rahit aur prakash wala din hona chahiye.

 

(f)      Zeroing Tools.   Tool adjusting foresight aur backsight ka hona zaruri hai.

 

Bhag  II : Zeroing  Ka Tariqa

 

10.   LMG ko zero karne ke liye aisa din anukool hai jab ke roshni acchi ho aur hawa na chal rahi ho. Zero karne ke liye firer ko lying posn ikhtiyar karna chahiye aur sirf upari baju ko sahara dekar fire karna chahiye. Is position mein yakin kiya jaye ki :-

 

(a)      Bipod zamin par majbut se jora ho.

(b)      Mag zamin ke sath milap mein na ho.

 

11.    MPI  Ki Durust Jagah :-

(a)          POA se MPI 30.5 m range per 1.25cm upar aur 1.25cm dahine aur bayen banega.

(b)     MPI 100 m range par POA se 5cm upar aur 10cm diameter mein  banegi.(Ref Accuracy  specifications given at appx).

 

12.    Upar Ya Niche Ka Correction.       Yeh correction foresight ko harkat dekar MPI ki upar ya niche ki galti ko dur karne ke liye diya jata hai :-

 

(a)     Agar foresight ko upar karenge to MPI niche aaegi aur forsight ko niche karenge to MPI upar aayegi.

 

(b)     Aisa karne ke liye foresight adjusting tool ki madad se locking nut ko unlock karen.

 

(c)      Foresight ko zarurat suda upar ya niche ki harkat dein aur foresight ko tool ki madad se usi position mein rakhte hue locking nut ko tight karen.

 

(d)     Foresight ka ek pura chakkar se MPI 100m range par 100mm (4”) upar ya niche harkat karta hai.

 

(e)     Foresight par 16 chakkar dein shakten hain.aur upar niche 64”ki galti ko dur kar sakten hain.

 

13.    Daen Ya Baen Ka Correction :-     Yeh correction backsight ko harkat de kar MPI ki dayen ya baen ki galti ko dur kiya jata hai :- 

 

(a)     Agar backsight dayen karenge to MPI bhi dayen jayegi yadi backsight ko bayen karenge to MPI bhi bayen jayegi.

 

(b)     Tool adjusting ki madad se wheel ke upar lagate hue chakkar de.

 

(c)      Ek chakkar se 100mtr par MPI 100mm(4”) dayen/bayen jati hai.

 

(d)     Is parkar dayen/bayen 12 chakkar de kar dayen/bayen ki 48” ki galti ko dur kiya ja sakta hai.

 

(e)     Akhir mein check group fire karke MPI ko check kar lena chahiye.