PATROLLING

 

 

PATROLLING

 

Patrol ki Kism aur Task

 

1.    Isse pahle ki ham patrol ki kism ke bare mein jankari haasil Karen, yeh janna zaruri hai ki patrol ka uddesh kya hai. Patrolling ke do mukhya uddesh hote hain.

 

(a)        Dushman ki khabar haasil karna 

(b)        Dushman ko apni khabar haasil karne se rokna.

 

2.    In zaruraton ko madhyanazar rakhte  hue patrols ko ham do kismon mein baant sakte hain.

 

(a)        Recce Patrol.

(b)        Protective ya hifazati patrol.

 

3.    Recce aur protective patrol ki kismon ke alawa patrol ko special task bhi diye ja sakte hain, jaise dushman ke dump ko barbad karna, shadow patrol karna ya stay behind party ka kam karna.Lekin aise patrolsupportecial misson patrol kahlata hai. Islie kam ke lihaj se patrol ko recce aur protection ka kam hi behtar hai.

 

Recce Patrol

 

4.    Recce ka matlab hai, bagair lare dekhbhal se dushman ke bare mein khabar haasil karna. Is liye recce patrol ka mukhya mudda hai ki woh khabar haasil kare aur use upar wale commander tak pahuchaye, taaki woh commander us khabar par amal kar sake. Recce patrol ki banawat is prakar se hoti hai ki woh chhup kar aur dekhbhal se khabar haasil karte hain; inka kam larna nahin hota hai, yeh sirf apna bachavke liye larte hai ya jab aisi halat ho ki khabar ko bina lare haasil karna mumkin na ho.

 

5.    Nafri aur Banawat.  Recce patrol ki nafri am taur par ek patrolleader aur do ya teen jawanon ki hoti hai. Patrol ki ahmiyat ko dekhkar patrol leader kisi Officer, JCO ya NCO ko niyukt kiya jata hai. Jab kabhi patrol base banane ki zarurat ho, ya khabar haasil karne ke liye dushman par fire karnne ki zarurat ho tab patrol ki nafri ko badhaya ja sakta hai.

 

6.         Task.          Recce patrol ko nimnlikhit task diye ja sakte hain:-

 

(a)    Dushman ke defence ka failav aur auto/ anti tk hathiyaron ka pata lagana.

(b)    Dushman ki pahchan, irada, adaten aur karwai ki khabar haasil karna.

(c)    Zamin ke bare mein jankari haasil karna.

(d)    Obst ke bare mein khabar haasil karna .

(e)    Dushman ke EW, gun position, communication ke bare mein khabar haasil karna.

(f)      Dushman ke reserve ki str, location aur sambhav task ke bare mein jankari haasil karna ya haasil kiye information ko check karna.

 

Protectve Patrol

 

7.    Protective ya hifazati kamon par lagi hui patrol ko larne ke liye taiyar hona chahiye islie iski banawat usi mutabiq honi chahiye. Protective patrol ki nafri ek section se lekar company tak ho sakti hai. Agar zarurat ho to Arty OP aur  MFC bhi is patrol mein diya ja sakta hai. Ek hifazati patrolko nimn task diye ja sakte hain:-   (a) Fwd zone par chhaye rahna.

 

(b)      Dushman ke ane wale raste par dekhbhal karna aur dushman ko rokna.

(c)      Defence locality ke samne ya pichhe dead ground ko cover karna.

(d)      Un obst ko cover karna, jo main position se cover nahin hote.

(e)      Flanking unit / sub unit se lagao. 

(f)       Defenceposition ke alawa kisi ahmiyat wali jagah ko occupy karnaa.

(g)      Dushman ki patrols ko khabar haasil na karne dena aur use barbad karna.

(h)      Dushman ki khabar haasil karna aur EW dena.

(i)        False front zahir karna.

 

8.    Abhi tak apne Recce aur protective patrol ke bare mein jankari haasil ki. Recce aur protective patrol mein mukhya antar iss prakar hain:-

 

S/No	Recce Patrol	Protective Patrol
(a)	Iski karwai zaruri nahin hai ki bhejne wali unit se sambandhit ho.	Iska sanchalan aur karwai us unit se  sambandhit  hai jiski yeh raksha kar raha ho.
(b)	Apni raksha ke alawa koi surakshatmak zimmewari nahin hai.	Iska uddesh ek khas approach se dushman ke patrols ko khabar haasil karne se rokna hai.
(c)	Iska uddesh khabar haasil karna.	Ek khas approach ko dushman ko na istemal karne dena aur us par chhaye rahna hai.
(d)	Dushman ko bina pata lage khabar haasil karna.	Dushman ko khabar haasil karne se rokna aur false fron zahir karna.
(e)	Do ya teen numaindon ka chota group.	Task ke adhar par ek section /Platoon tak ke troops.Apne task ke mutabiq equipment /weapons liye hue.
(f)	Kam se kam saman.	Defensive position ikhteyar karta hai.
(g)	Kaam khatam par wapsi.	Hukam par/pahle se diye hukam par withdrawal.

Taiyari

 

9.    Is baat ka dhyan rakha jaye ki troops ko ek dam mushkil aur khataranak patrol par na bheja jaye. Inko darje se tartib di jaye. Patrol par jane wale map reading aur battle craft mein mahir hone chahiye. Iske alawa team ke taur par kam karne ka jazba aur apne kam ko pura karne ke kabliyat par pura bharosa hona chahiye.

 

Planning

 

10.      Kisi bhi patrol ko bhejne se pahle nimn baton par gaur karna chahiye :-

 

(a)      Patrol ka uddeshya.

(b)      Dushman ke bare mein khabar.

(c)       Task ke bare mein khabar.

(d)      Patrol ki nafri.

(e)      Patrol ka samay (duration).

(f)        Security aur discipline.

(g)      Koi zaruratshuda numayanda/cheez jaise tech representative, fire support ya communication.

(h)      Jane ki taiyari.

(i)        Padosi unit se mel milap.

 

Taiyari

 

11. Patrol ki kamyabi zyadatar patrolleader ki pahal aur hunar par nirbhar hai. Phir bhi patrol ke bahar jane se pahle agar puri taiyari ki jaye to kaam ko kamyabi ke saath pura karne mein madad milegi. Puri taiyari ke liyeBattalionCommander, CompanyCommander aur PatrolCommander ki zimmewari hai.

 

Command

 

12. Patrol ke task aur nafri ko dhyan mein rakhte hue, BattalionCommander yeh faisla karenge ki patrolcommanderOfficer,JCO ya NCO hoga.

 

Briefing

 

13. Khas mushkil task wali patrol ko battalioncommander hi brief karenge. Lekin aam patrol ko Company Commander hi brief karta hai. Battalion mein patrol master 2IC hota hai jo patrols ki harkat ko coordinate karta hai.

 

Fire Support

 

14. BattalionCommander ye faisla karenge ki kya Artillery ya Mortar fire se support dena zaruri hai. Agar fire support zaruri hai, to woh FOO ya MFC ka bandobast karenge.

 

 

 

Dress Aur Equipment

 

15. BattalionCommander ki taraf se aam policy mukarrar hogi, lekin CompanyCommander tafsil mein faisla karenge. Yahi baat hathiyaron ke fasla karne par bhi lagu hoti hai.

 

Communication

 

16. Jab zarurat ho to radio se milap ka bandobast kiya jayega. Jab shatru nazdik hai to radio ka bahut kam istemal kiya jata hai.

 

PatrolLeader ki Zimmewarian

 

17. Patrol ki Banaawat. Jab hidayaten mil jati hain jismen andazen nafri banti jati hai tab patrol ki pakki nafri ka faisla karega aur jane wale jawanon ka chunav karega.

 

18. Hathiyar. Halke aur chote range wale hathiyar mobility ke liye behtar hain. LMG aur 51mm Mortar tab behtar hain jab khabar haasil karne ke liye ishara zaruri ho.

 

19. Dress. Dress aisa ho jo faidemand ho aur kam wazan wala ho aur awaz na paida kare.

 

20. Equipment. Yeh jitna halka ho utna behtar hai Patrolleader ko apnesaath Bino, Compas Map aur Morphine lena chahiye.

 

21. Warning Order. CompanyCommander ya patrolleader ko patrol ke bare mein warning order dena chahiye. Isse yeh faida hoga ki jawan ko taiyari aur rest ka samay mil jata hai.

 

22. Recce aur Tajwiz. Apni tajwiz banane se pahle patrolleader ko hawai photo aur pahle ki patrol ki report ko map ke saath study kar lena chahiye.

 

23. Briefing. Patrol par jane se pahle har jawan ko achhi tarah se brief kar lena chahiye taki mauka parne par achhi tarah se karwai kar sake. Agar zamin ijazat de, to briefing aisi jagah se ki jaye jahan se pura ilaqa nazar ata hai, jahan ye mumkin nahin, wahan sand model ya cloth model ka istemal kiya jana chahiye.

 

24.      Rehearsal. Rehearsal mein nimn baton par gaur kiya jaye:-

 

(a)    Sab formation mein indl ki position.

(b)    Formation change karne ka tarika.

(c)    Obstacles paar karne ka tarika.

(d)    Dushman milne par karwai.

(e)    Ambush hone par karwai.

(f)     Objective/patrol base par karwai.

(g)    Casualty evacuate karna.

(h)    Fire hone par karwai.

(j)      Halt par karwai.

(k)      Field signal.

 

25. Final Inspection. Patrol ko task par jane se pahle, patrolleader ko inspection kar lena chahiye jismen yeh yakin karen ki:-

 

(a)    Sabhi jawan jane ke liye fit hain.

(b)    Koi faltu kajaz/ docu nahin.

(c)    Camouflage.

(d)    Equipment thik fit hain.

(e)    Bandobast ka sabhi saman le liya.

 

26.      Karwai.      Patrol ki karwai teen bhagon mein puri hoti hai, jo is prakar hain:-

 

(a)    Forward Defended Locality se patrol base tak harkat.

(b)    Patrol Base se age ki karwai aur khabar haasil karna.

(c)    Patrol base se wapasi ki karwai.

 

Forward Defended Locality se Patrol Base tak Harkat

 

27. Patrol ko jane se pahle kisi Forward Defended Localitypar ikattha kiya jayega aur use infiltration mein madad ke liye Artillery  fire ya dusre tarike se deception diya jayega.

 

Route

 

28. Patrol ko aisa rasta chunna chahiye, jismen dushman ke milne ka kam se kam andesha   ho aur movement asan ho.

Formation

 

29.      Patrol ki formation nimn baton par nirbhar karegi:-

 

(a)      Control.

(b)      Ground ya zamin.

(c)       Security.

(d)      Chhupaav.

 

Harkat

 

30. Moujuda hathiyaron ke kargar fire ko dekhte, hue din ke samay patrol ko karwai karna mushkil hoga islie patrolling zyadatar raat ko hi hogi. Raat ko harkat bounds ki madad se ki jati hain.

 

Patrol Base

 

31. Patrol base woh jagah hai jahan se koi chhotti patrol operate karti hai. Patrol base un halaton mein lagana zaruri hota hai jab:-

 

(a)    No man's land zyada bada / faila/chaura ho.

(b)    Do ya do se zyada subsidiary patrol bhejne hon.

(c)    Alag alag chhote patrol bhejne se raste mein dushman ke saath dakhlandazi ka andesha ho.

 

32.      Patrol Base Mein nimn Khubian Honi Chahiye.

 

(a)    Dushman ke obsevation aur small arms se bachav mein ho.

(b)    Zarurat parne par wahan se bachav ho sake.

(c)    Asani se pahchan mein aa sake.

(d)    Dushman ka DF na ho.

 

Patrol Base Pakarne ki Karwai

 

33. Patrol, patrol base se kuchh duri par deploy ho jati hai aur kuch nafri patrol base ki search karti hai, aur agar wahan par dushman na ho to wapas aakar patrolleader ko khabar dete hai. Puri patrol aisi halat mein patrol base mein chali jati hai,agar kisi wajah se patrol base ka istemal karna mumkin na ho to patrol, alternatepatrol base mein chale jati hai.Alternatepatrol base ka chunav pahle hi kar lena chahiye.

 

34.      Patrolbase pahunchne par karwai :-

 

(a)      Bhari saman,stretcher adi chora jata hai.

(b)      Subidiary patrol apne zimmewari ke ilake mein ate hain aur khabar haasil karke wapis ate hain.

(c)      Patrolleader unki debriefing karta hai.

(d)      Get away man ki briefing ki jati hai.

(e)      Patrol wapas harkat karti hai.

 

Khabar Haasil Karne ka Tarika

 

35. Subsidiarypatrol dekhbhal se khabar haasil karti hai. Agar phir bhi khabar haasil na ho to harkat ya fire se dushman ko fire karne par majboor karti hai.

 

(a)      Observation.

(b)      Harkat.

(c)      Fire.

 

Wapsi

 

36. Patrol ko wapas ate samay alag raste ka istemal karna chahiye. Agar dushman pichha kar raha ho to use dhoka dene ke liye chotti tukdion mein bant kar milap tora ja sakta hai. Agar patrol ne khabar haasil kar li ho aur mauka mile to wapasi mein dushman par mauke ka ambush lagaya ja sakta hai,iska tal mel patrol par ane se pahle kar lena chahiye.

 

 

 

 

Debriefing

 

37.      Nimn pts dhyan mein rakhen:-

 

(a)    Wahi kare jisne patrol ko brief kiya ho.

(b)    Patrol ke wapas ane ke baad jaldi kiya jaye.

(c)    Patrol ke sabhi jawan, debriefing mein shaamil hone chahiye.

 

38. Patrolling larai ki ek bahut hi aham karwai hai, jiske liye jawanon ko bahut hi unche darje ki training ki zarurat hai.Agar troops ka patrolling ka darja achha hai to woh larai ke har operations mein kamyab rahne ki umeed rakh sakta hai.

 

 

PATROL LEADER KI BRIEFING

 

 

1.    Zamini Nishan. Jo briefing se talluk rakhte hain.(Agar briefing sand model ya cloth model par  ho jaye to patrol ko last light se pahile zamin dikhana behtar hoga).

 

2.         Khabar Dushman.

 

(a)       Positions, jinke bare mein jankari haasil ki gayi ho.

(b)       Rukawaton ke bare mein.

(c)       Nafri aur hathiyaron ke bare mein.

(d)       Koi khas adaten.

(e)  Koi khas equipment ke bare mein yadi malum ho, jaise battle-field surveillance radar.

 

3.         Khabar Apni.

 

(a)      Disposition.

(b)      Apna yadi koi patrol bahar gaya hai to uske bare mein jankari.

(c)      Apne patrol ki khabar baki sub-uniton aur flanking uniton ko di gayi hai.

 

4.         Task.

 

Hamara patrol in sawalon ka jawab layega.(Misaal)

(a)      Kya ilaqa unchi zamin mein dushman hai, agar hai to uska deployment kya hai.

(b)      Kya dushman ne apne ilaqe mein rukawaten lagayi hain. agar hain to uski jagah, kism tatha tadad kya hai.

 

5.         Tariqa.       Task ko teen bhagon mein banta gaya hai :-

 

(a)      Bhag I.           FDL se patrol base tak ki harkat.

(b)      Bhag II.          Khabren haasil karna.

(c)      Bhag III.         Wapsi.

 

Note :-Bhag I mein patrol base ki zarurat na ho to RV tak ki harkat.

 

6.         Bhag I.       FDL se patrol base/RV tak ki harkat.

 

(a)     Patrol ki banawat.

(b)     Samay bahar jaane tatha aane ka.

(c)      Rasta.

(d)     Bound tatha RV.

(e)     Support.

(f)       Formation.                

(g)     Order of march aur navigation.

(h)     Raftar.

(j)       Control ke liye ishare.

(k)      Halt ya rukawat par karawai.

(l)       Shatru milne par karawai.

(m)    Surprise aur roshni hone par karawai.

(n)     Fire kholne aur hathgola fenkne ke liye zaruri hidayaten                  

(o)     Patrol base kahan hogi aur pakarne ki tartib, yadi jarurat ho to.

(p)     Patrol base mein karawai.

(q)     Alternative patrol base ki jagah, uski recce aur pakarne ki halat.

 

7.         Bhag II.  Khabren haasil karna.

 

Agar task ko chhoti-chhoti tolion dwara (subsidiary Patrols), Pura kar rahen ho to karawai:-

 

(a)       Subsidiary Patrol No 1.

 

(i)        Banawat.

(ii)      Task.

(iii)     Rasta.

(iv)     Samay, jaane aur aane ka.

(v)      Task pura karne ka tariqa.

 

(b)       Subsidiary Patrol No 2.

 

(i)        Banawat.

(ii)      Task.

(iii)     Rasta.

(iv)     Samay, jaane aur aane ka.

(v)      Get away man ki baant our uska kaam.

 

8.         Bhag III. Wapasi.

 

(a)      Rasta.

(b)      Bound tatha RV.

(c)      Formation.

(d)      Order of March.

(e)      Navigation.

(f)       Mine Field mein pahunchne par karrawai.

 

9.         Rehearsal ke liye samay aur jagah.

 

10.      Hathiyaron ko test karna.

 

11.      Inspection.

 

12.      Bandobast.

                 

(a)      Dress equipment.

(b)      Paani.

(c)      Hathiyar.

(d)      Ammunition.

(e)      Medical.

(f)       Zakhmi casuality ko uthana.

(g)      Qaidi mila hai to uske liye karwai.

 

13.      Milap.

 

(a)      Milap ke sadhan.

(b)      Wapas ane par kis kis ko aur kahan report karenge.

(c)      Pass word.

 

14.      Koi shak ya sawal.

 

15.      Ghari milao.