CAMOUFLAGE AUR CONCEALMENT

 

CAMOUFLAGE AUR CONCEALMENT

 

Camouflage

 

1.         Camouflage ke dwara hum dushman ko do tarike se dhoka de sakte hain:-

 

(a)       Apne troops, harkat aur equipment ko chupao mein rakh kar.         

(b)       Apne troops, harkat aur equipment ka galat ahsas dekar.

 

2.    Target ko barbad karne ke liye dushman ki sahi location ka pata hona zaruri hai. Camouflage ke zariye hum dushman ki is karwai ko nakara kar sakte hain. Is ke liye ek jawan ko apne dimag ka istemal karte hue dushman ko dhoka dena aana chahiye.

 

3.         Chizen Nazar aane ke karan.

 

(a)       Shadow (Saya).

(b)       Shine (Chamak).

(c)       Surface (star).

(d)       Silhouette (Khakha).

(e)       Shape (Shakal).

(f)        Spacing (Fasla).

(g)       Movement (Harkat).

 

Camouflage ke Sidhant aur Tarika

 

4.         Camouflage ke teen buniyadi siddhant hai:-

 

(a)     Ilake ke chunao.  Chunao ke liye sabse behtar ilaka woh hai jahan par vastu  apne aas-paas ke ilake se milte julte hon. Ismein dhyan mein rakhne wali baat yeh hai ki, jagah itni badi honi chahiye jahan par chhupne wali vastu ya harkat  ko chhupaav  mil saken.

 

(b)     Camouflage Discipline.  Us equipment ya vastu ke aas-paas koi harkat na hon. Din ke samay dushman harkat, smoke, tracks aur mitti ko dekh kar jagah ka pata laga sakta hai, aur raat ke samay use roshni aur awaz ke zariye position ka pata lag sakta hai.

 

(c)     Ilake ki Banawat. Agar ilaka puri tarah se chhupaav na de raha ho to wahan par prakirtik vastu jaise ped-paudhe ya kritrim vastu jaise garnish ityadi ka istemal kiya ja sakta hai taaki yeh paas ke ilake se mil sake.

 

 

Camouflage Ke Tarike

 

5.         Camouflage karne ke teen tarike hai:-

 

(a)     Chhupav Se. Is tarike se ek vastu puri tarah se chhup jati hai aur dushman usko nahin dekh sakta.

 

(b)     Ilake ke mutabik Chhupav dena. Is tarike se hum ek vastu ke upar ya aas paas ke ilake ko camouflage karte hain. Jis se lage ki yeh usi ilake ka hi ek hissa hai.

 

(c)     Dhoka Dena. Is tarike mein hum ek ilake mein harkat ya ek fauji vastu ka aakaar dikha kar dushman ko dhoka dete hain, Jis se usko lage ki yeh karwai asal ki hai. Parantu iska istemal dushman ko dhoka dene ke liye hai.

 

6.   Personal Camouflage. Morche se badan ke jo hisse jawan ki position ko zahir kar rahe hon unka camouflage karna chahiye.

 

(a)     Steel Helmet. Iska chamak aur shakal position ko jahir karta hai. Iski chamak ko dur karne ke liye 1½’ x 1½’ ka bori ka tukra lagao aur camouflage net shakal bigaadne ke liye 5"x2" ke garnish ke tukde betartibi se lagao.

 

(b)       Chehra (face).Face cream/ blanco ka istemal.

 

(c)       Dress.   Ilake ke mutabik pahne.

 

(d)       Boot.            Dabi ya chikni mitti se chamak ko dur karna.

 

(e)       Equipment.  Equipment ko camouflage.

 

(f)        Hathiyar.

 

(g)       Morcha.

 

(h)      Camouflage net.

 

(i)          Khudi mitti.

(ii)      Ilake ke mutabik.

 

7.   Concealment. Iska arth hai kisi bhi vastu ke pichhe ya nichhe chupao. Camouflage mein to apne aap ko ya equipment ko ilake ke mutabik banaya jata hai jabki, concealment mein kisi aarh ke peeche chupao se karwai ki jaati hai.

 

 

 

 

8.         Tartib.

 

(a)       Dabi zamin ka istemal.

(b)       Ped ya jhari ka istemal.

(c)       Building ya deewar ka istemal.

(d)       Trench bana kar.

 

9.         Dhyan Rakhne Wali Baten.

 

(a)       Aarh ke side se dekhen, upar se nahi.

(b)       Satah ko na todein.

(c)       Khaas kar ilake mein harkat na karein.

(d)       Dabi zamin ka istemal karein.

 

10. Ek Section commander ya Platoon commander hone ke naate camouflage ke mahatav ke bare mein jankari hona bahut hi jaruri hai. Aap ko yeh yaad rakhna chahiye jo dushman dekh sakta hai wah usi par kaargar fire dalkar barbad kar sakta hai.