RPO-A FLAME THROWER (REACTIVINI PIKHOTNI OGNEMIYOT- TYPE-A)

 

 RPO-A FLAME THROWER

(REACTIVINI PIKHOTNI OGNEMIYOT- TYPE-A)

 

 

1.       Introduction.     RPO-A- Flame thrower Russia desh dwara banaya gaya hai.  Is hathiyar ki body majboot plastic aur dusre material se mila kar banai gai hai.  Yeh hathiyar thermobaric ke sidhant par kaam karta hai jo patrol aur watawaran ki hawa ke sath milkar kaam karta hai aur tgt ko barbad karta hai. Is hathiyar mein thosh barood ka istemal kiya gaya hai aur sath hi finned stabilised rocket ka istemal kiya gaya hai.

 

 

2.         Is hathiyar ka istemal dushman ke bunkers, pillboxes aur concrete ki building, bakhtarband gadiyon, B Vehicles aur troops ke khilap kiya jata hai.

 

3.         Visheshtaen

 

(a)       Banane wala desh  -           Russia

 

(b)       Kutar                          -           93 mm

 

(c)        Range

 

(i)         Maximum       -           1000 m

(ii)        Sight range   -           600 m

(iii)       Karagar range-         25 se 350 m

           

(d)       Wazan

 

(i)         Flame thrower -        12  Kg

(ii)        Explosive       -          2.1 Kg

(iii)       2 Flame thrower-      24 Kg

(iv)       Projectile ka wazan- 4.5 Kg

 

            (e)       Lambai                       -           920 mm

 

            (f)        Operating temp         -           +50⁰ se -50⁰ C

 

            (g)       Dply time                   -           30 Sec

 

            (h)       Life                             -           9 Years

 

            (j)         Cost                            -           1.25 Lakh

 

(k)        Back blast                  -           Firing pt se 47 m

                                                      peeche,14 m chaura

                                                      aur 110⁰ ke angle mein

(l)         Penetration               -           9 mm

 

(m)      Principle                    -           Thermobaric (Fuel

                                                           air explosive)

 

            (n)       MV                              -           125 ± 5 Mtr/sec

 

            (o)       Killing area                -           20 Mtr

 

 

            (p)       Danger area              -           50 Mtr

 

 

 

BACK BLAST KA DIAGRAM

 

 

Istemal

 

4.         RPO-A- Flame thrower ke istemal is prakar se hain:-

 

(a)          Dushman ke strong firing points jaise pakke mitti aur lakadi ke bane pillboxes, fortification aur covered trenches aur zameen ke neeche bane concrete ke bunkers ke khilap.

 

(b)          Dushman ke halke armoured combat vehicles aur B vehicle ko barbad karne ke liye.

 

Flame thrower aur iske mukhya hisson ka kaam karne ka tariqa

 

5.         Flame thrower disposable hathiyar ke adhar par banaya gaya hai.

 

6.         Flame thrower ke mukhya bhag.

 

(a)      Container.

(b)      Capsule.

(c)      Ejection motor.

 

 

 

Container

Ejection motor

Capsule

 

 

 

 

 

 

 

 

 

 

 

 

 

 

Container

 

 

7.         Container ek tube ke aakar ka hai aur iske upar yeh hisse lagaye gaye hain:-

 

(a)       Firing aur trigger mechanism.  RPO-A- flame thrower ko cock aur fire karne ke liye.

 

(c)          Dioptre Sight.     Sight ki visheshtaen is prakar se hain:-

 

(i)             Sight ko 180 degree tak ghumaya  ja sakta hai.

 

(ii)          Is ke upar 10,15,20,25,30,35,40.50.55 aur 60 ke ank khude hain jo ki zameen par 10 guna range ko jahir karte hain.

 

Dioptre Sight

 

 

 

 

 

 

 

 

 

 

(d)          Sealing aur covers.   Flame thrower ko carry karne aur pack karne ke liye.

 

(e)          Sling aur anti noise plugs.  Sling flame thrower ko carry karne ke liye aur anti noise plugs firing ke dauran firer ke kaan ko suraksha pradan karte hain.

 

(f)           Assembly bracket.Iska kaam do flame thrower ko pack karke carry karne mein madad karna hai.

 

Ejection motor

 

8.         Iska kaam capsule/rocket  ko muzzle velocity pradan karna hai.  Isme solid propellant type barood ka istemal kiya gaya jo ki capsule mein alag se rakha jata hai.  Firing  ke dauran powder charge jalta hai aur capsule ko container se bahar eject karta hai.

 

Capsule/Rocket

 

9.         Capsule/rocket container ko chhodne ke baad trajectory ke dauran halka spin karta hai aur isme thermobaric (air aur fuel) ka mixture hota hai jo ki tgt ko barbad karta hai.  Iske mukhya bhag is prakar se hain:-

 

(a)          Fuze.  Yeh fuze pyrotechnical mechanism aur remote arming type ka hai aur iska kaam burst hone wale charge ko ignite karna hai aur ise capsule mein fit kiya gaya hai.

 

(b)          Igniting bursting charge.      Yeh fuze dwara activate hone ke baad explode hokar tgt ko barbad karta hai.

 

Flame thrower ko fire karne ka tariqa.

 

10.       Flame thrower ko fire karne ka tariqa is prakar se hai:-

 

(a)          Storage ki halat mein flame thrower ka firing grip tube/container ke sath fold hota hai aur trigger mechanism lock hota hai. Is dauran safety catch “Safe” position mein hota hai.

 

(b)          Flame thrower ko firing mode mein lane ke liye dahine hath se firing grip ko dahine taraf karte huye lock ko tab tak ghumaye jab tak woh ruk na jaye.  Iske baad safety catch ke arrow ko fire ki position par Karen.

 

(c)          Trigger dabane se ejection motor ko mechanical impulse milti hai jisse capsule/rocket container se azad ho jata hai.

 

(d)          Hawa mein capsule/rocket hawa ki wazah se ghumta hai.

 

(e)          Rocket ke 8 se 25 m ki doori tay karne ke baad delay mechanism ki wazah se fuze combat mode mein shift ho jata hai.

                                          

(f)           Jyonhi capsule tgt par takrata hai to fuze firing mechanism ki wajah se ignite ho jata hai aur bursting charge ko activate kar deta hai aur yeh thermobaric (air-fuel) ke sidahant par explode ho jata hai.

 

 

Firing Positions

 

11.       Flame thrower ko 3 firing position se fire kiye ja sakta hai:-

 

(a)      Lying position.

(b)      Kneeling position.

(c)      Standing position.

Suraksha ke upay

 

12.       Firing se pehle.

 

(a)       Kewal trained pers dwara hi handle kiya jaye.

 

(b)       Fire se pehle back blast area clear ho.

 

(c )       Agar lying position se fire kiya ja raha ho to firer ka sharer  firing pt se  60⁰ ke angle se kam na ho.

 

(d)       Shist lete samay firer ki ankh eye guard par lagi ho.

 

(e)       Firing ke dauran kaan par ear plugs ka istemal Karen.

 

(f)        Flame thrower se phaltu chher char na karen.

 

(g)        Cock tabhi karen jab fire karna ho.

 

13.       Firing ke dauran.    Agar fire ke liye firing position tayar na ho to yeh aihtiyat barti jayen:-

 

(a)       Lying position mein range 300 tak aur flame thrower ka elevation 6⁰ se adhik na ho.

 

(b)       Kneeling position mein range 600 m tak aur flame thower ka elevation 13⁰ se adhik na ho.

 

(d)      Standing position mein elevation 45⁰ se adhik na ho.

 

14.       Suraksha ke liye hidayaten.

 

            (a)       Flame thrower ko goli ya splinter se bachayen.

 

            (b)       Back blast area clear ho.

 

(c)          Tgt dikhai dene par hi firing mechanism ka istemal karen.     

           

(d)       25 m range se kam par fire na karen.

 

(d)       Flame thrower ko girne se bachayen.

 

15.       Transportation, loading, unloading aur storage.

 

(a)       Agar flame thrower kisi kara. 5 m unchai se gir jaye to ise istemal kiya ja sakta hai parantu is dauran ismein koi damage nahi hona chahiye.

 

(b)       Agar flame thrower .5 m se 3 m tak unchain se gir jata hai phir bhi yeh hathiyar safe hai parantu iski kargarta prabhavit ho sakti hai.

 

(c)        Agar flame thrower 3 m se adhik unchain se gir jata hai to ise barbad kar diya jaye.

 

(d)       Agar kisi karan iska fuze goli ya splinter se hit ho jaye to yeh chal kar sakta hai.

 

(e)       Flame thrower par agar bullet ya splinter lag jaye to ise turant door pit ya trench mein rakh dena chahiye.

 

16.       Flame thrower ko barbad karna.

 

(a)       Destruction area abadi wale ilaqe se 1.5 Km se door hona chahiye.

 

(b)       Flame thrower ko charge lagakar hi barbad karna chahiye.

 

(c)        Jab barbad kiya ja raha ho to 100 m ke area mein koi nahi hona chahiye.

 

(d)       Flame thrower ko bijli ya aag se barbad kiya jaye.

 

(e)       Flame thrower ko double charge se barbad kiya jaye aur 1 kg barood ka istemal kiya jaye.

 

(f)        Detonation ke 5 min ke baad hi trench se bahar aaya jaye agar misfire ho to 15 min ka intejar kiya jaye.