RAID ON MILITANT HIDE OUT

 

RAID ON MILITANT HIDE OUT

 

 

Parichay

 

1.         Aaj ke halaton main  Jammu aur Kashmir evam poorvottar rajyon main atakvandiyon ke hide out arthat chupane ke sthan main raid karna hamare sena ke pramukh karyom main se ek ho chuka hain.  Yeh hide out aam taur par  durgam sthano par hote hain is liye ek raid ko safal hone ke liye, sahi khabar, surprise, fire ki takat aur thikano  ke baron main adhik se adhik jankari hona avashyak hai.  

 

Thikano(Hideout) ke Prakar

 

2.         Mukhya roop se atankvadi nimna prakar ke thikanon main rah sakte hain:-

 

(a)       Trg Camp.

 

(i)         In camps main atankvadiyon ki training uska mukhyalay aur  unit bhi ho sakte hain.

(ii)       In mein 50 se 150 tak atankvadi ho sakte hain. Jin mein 30 se 70 %     hathiyarband hone ki sambhavna hain.

(iii)      Aam taur par in camps ka location durgam pani ke source ke pass syavam bane huwe sadak aur raston se door hote hain.

(iv)      In ka pravesh dwar bahut kathin evam chupav walen rastion se banaya jata hai.

(v)       Kahin sentry jinhe look out man bhi kaha jata hain.  In thikanon se kareeb 1 km ke doori par camp ke taraf ane wale sabhi raston par nigrani rakhte hain.

(vi)      2 se 5 vyakti ki kayi tukdiyan camp ke kareeb 200 se 500 mtr par suraksha balon ke harkath par nazar rakhne keliye hote hain.

 

(b)       Civil Prashasan Camp.

 

(i)         Yah thikane atankvadi netaon ya unke VIP ke liye stapit kiye jate hain.

(ii)       In mein 10 se 30 hathiyar band atankvadi hote hain.

(iii)      In mein aatankwadiyon ke parivar aur mahilayen bhi hoti hain.

(iv)      Suraksha prabandh trainingcamp ki tarah hi hote hain parantu unki tulna main kam hote hain.

 

(c)        Vishram ya Trg Camp.

(i)         Yah camp mukhyata un raston ke as pas banaya jate hai jo ki atankvadiyon dwara niyamit roop se ek sthan se doosre sthan tak jane mein prayog main laye jate hain.

 

(ii)       Yah camp gaon se 3 se 5 km ki doori par hote hain.

 

                                         

(iii)      Suraksha praband training camp ki tarah hi hote hain.

 

(d)       Hide Out.

 

(i)         Is mein 5 se 10 atankvadi ho sakte hain jin main se 5 se 6 ke pass hathiyar ho sakte hain.

(ii)       Yah jhum hut ya koi astai jhopdi ho sakti hain jis ka prayog atankvadi tab karte hain jab ki suraksha balon ka khatara bade campon par pad gaya ho. 

(iii)      Is mein aam tour par ek hi sentry hota hain jo ki mukhya raste ki nigrani karta  hain.

(iv)      Yah atankvadi is mein ek se 5 dinon tak rah sakte hain.

 

Atankvadi dwara Hideout mein Dhyan meinRakhne wali Baten.

 

2.         Mukhya roop se adankvadi nimn likhit baton ka dyan rakhte hain :-

 

(a)       Chhupav.   Yah camp ghani junglon main raste tatha pagdandiyon se door banaya jate hain jisse hawai survekshan ya suraksha balon ki dhoodne par na miley.

 

(b)       Zamin.   Adankvadiyon dwara mushkil se mushkil zamin chuni jati hain jisse suraksha bal camp tak na pahunch payen.

 

(c)        Tactics ki zarurat.   Adankvadiyon hamesha hit and run tactics ka istemal karte hain.  Isliye vo apne camps ko defence ki larai ke liye tayar nahin karte balki vo yakeen  karta hain ki camp ki aur ane wale raste seemit sankhya main ho tatha mushkil jagaon se hokar gujare.  Bhagne ke raste, pahariyon, neeche ki or, nalon ke saath tatha ghane jungle ke andar nischit kiye jate hain.  

        

(d)       Adm ki zarooraten.

 

(i)         Gaon se nazdeeki taki khane ka saman laya ja sake.

(ii)       Pani ke  srot se nazdeek.

 

Hideout Dhoondne ka Tariqa

 

3.         Suraksha balon ke pas nimn sadhan hote hain :-

 

(a)       Pakare gaye ya atmasamarpan kiye huye atankvadi guide ke roop main kaam aa sakte hain. 

(b)       Pakade gaye documents camp ki location bata sakte hain.

(c)        Apne khabari dwara mili jankari.

(d)       SIB tatha police dwara mili jankari se hide out ka pata lag sakta hain kinto kabhi kabhi inki khabar purani hosakti hain isliye usey patrol ya khabariyon se pakka karna  chahiye.

(e)       Atankvadiyon ke parivaron se kafi jankari mil sakti hain. Is prakar unke mazdooron ya porter dwara bhi jankari prapt ki ja sakti hain.

 

Raid keSiddhant

 

4.         Raid ke nimn siddhant hote hain:-

 

(a)       Surprise.   Raid ki saflata poorn roop se surprise par nirbhar karti hain.  Kharab   mausam, kharab roshni aur rat ke samai mushkil zamin se harkat surprise kayam karne   main madadgar sabit hote hain.

 

(b)       Gopniyata.  Raid ke plan ko goopniy rakhna raid ki saflata ke liye atyavashak    hain. Iske alawa raid ki tayari aur rehearsal chupav main karni chahiyen.

 

(c)        Suraksha. Raat main sawdhani poorvak harkat karni chahiye, gaon atankvadiyon ke rahne ke sambhavit sthanon aur pagadandiyon se doori banay rakhne   chahiye.

 

(d)       Tezi.   Surprize toot jane par ya atankvadiyon se muthbhed ho jane par tezi se  karwai karna chahiye.  

 

(e)       Shock Action.   Atankvadiyon se muthbhed hone par sabhi hatyaron ka bhari matra mein fire aur dhawa ki karwai unhen stabhd kar deti hain.

 

(f)         Talashi.   Dhawa ki karwai samapt hone ki baad bahar nikalne ki sabhi raston ko  talash kar lena chahiye. Atanki aksar apna hathiyar ya upkaran chhodkar bhag khade hote  hain aur kabhi kabhi unhen lene vapis ate hain iske liye vahan par ek SBP chhod diya jate hain.

 

(g)       Peecha karne wali party raid ke ant main bhagte atakvadiyon ka peecha kar unhe pakarte ya barbad karte hain.

 

Raid Party ki Bant Karwai.

 

5.         Raid party ko teen (3) bhagon main banta jata hai.

 

(a)       Raid Party.   Yah party raid karti hai.  Iski nafri atankvadi ke sankhya par nirbhar  karti hain.  Uske elawa nafri rakhte huye nimn baten bhi dhyan main rakhna chahiye.

 

(i)         Surprise ke ahmiyat sabse adhik hai.

(ii)       Atankvadiyon ki bhagne ki sambhawana skheern kiya jay.

(iii)      Hide Out out ki teek teek jagah malum nahin hona.

(iv)      Zamin badey raid party ki ijadat na den.

(v)       Apne hi jawanon ke upar fire nahin kiya jay.

 

(b)       Pursuit ya Peecha Karne wali Party.     Is party main shareerik roop se  chust jawan honge.  Jo vishesh roop se chunet honge.  Unhen kam vazan diya jayega.  Yah party bhagte huwe atankvadi ka peeche karti hain.  Arambh main yah raid party ke reserve ka kaam karti hain.  Tracker Dog team bhi  is party ka hissa hota hain.  Kabhi kabhi is party ko do ya adik chhoti party main bant dete hain taki alag alag dishon main  bhage dushman ka picha kiya ja sake.   

 

6.         Raid ki Karwai.   Yah karwai 4 bhagon main poori hoti hai:-

 

(a)       Hissa No 1.   Apna location se release point ya firm base tak ka harkat.

(b)       Hissa No 2.  Bahari aur bheetari stop lagana.  

(c)        Hissa No 3.  Raid

(d)       Hissa No 4.  Raid ke bad ki karwai jaise talashi aur peecha.

 

7.         Dhyan mein Rakhne wali Baten.  

 

(a)       Talashi hamesha uncha zamin se neeche zamine ki or hona chahiye.

(b)       Pagadandiyon par harkat na ho.

(c)        Samay aisa chuna jai jab atanki sab se kam chaukannena ho.

(d)       Yojna banate samai look out man ka dhyan rakha jai.

(e)       Yadi koi chote  dasten 500 se 1000m ki doori par ho to unhein by pas kiya jai.   Yadi  yah sambhav na ho to use bina surprise tode barbad kiya jai.

(f)         Pursuit party yadi kisi atankvadi ka peeche kar rahi hon to raid party us sambhavit raston ki taraf 51mm Mortar ya MGL fire kar sakti hain par yah dhyan rahe apne party ya stop par fire na ho.

 

8.         Hamare jawan shareerik aur mansik roop se atankvadi ki tulna main adhik saksham hain.  Yadi sahi training, unche darje ka netritv aur unche morale ke saath raid kiya jai to saflata nischit hain.