DIAL SIGHT 51 MM MOR 101/102A KI AAM JANKARI

 

DIAL SIGHT 51 MM MOR 101/102A KI AAM JANKARI

Shuru Shuru ka Kaam.

1.     Durghatnayon se bachne ke liye hathiyar ka mulaiza zaroor kar lena chahiye.

Dohrai.

2.     Pichhe wale sabaq se dohrai ki jaye.

Pahunch

3.     51 mm Mortar ke fire mein dakshata laane ke liye ek mortar sight banaya gaya hai. Sight ki madad se hum range hasil karke kafi taadad mein fire gira kar dushman ko barbad kar sakte hain.

Uddesh.

4.     51 mortar dial sight se waqfiat aur range hasil karne ka tariqa sikhana hai.

Saman.

5.     51 mm Mortar, dial sight 101A/102A, canvas case aur retrofitment kit.

Bhagon mein Bant.

6.     Sabaq teen bhagon mein poora kiya jayega :-

(a)    Bhag I            -      51 mm Mortar dial sight se waqfiat.

(b)    Bhag II           -      Range Hasil karna.

(c)    Bhag III          -      Suraksha sambandhi batein.

7.     Sight 51 mm Mortar 101A/102A 51 mm mortar ko lay karke fire karne ke liye banaya gaya hai. Isse hum HE MK I bomb fire karne ke liye istemal karte hain. (HE MK II ke liye sight 102 B hai.

Banawat

8.     Dial sight ke 02 main assembly hote hain :-

(a)    Clamp Assembly.

(b)    Housing Assembly.

9.     Clamp Assembly.       Clamp assembly ke hisse purze is prakar hain :-

(a)    Mounting Bracket.          Yeh dial sight ko mortar par mount karne ke kaam mein aata hai. Mounting bracket mein do semi circular clamp hote hain. Clamp ko kasne ke liye do allen head screw diye gaye hain.

(b)    Range Drum.    Range drum ko clamp assembly mein sthaai roop se laya gaya hai. Iske upar charge I aur charge II ka range mark kiya gaya hai.

(c)    Central Spindle. Central spindle clamp ke beecho beech dahine ki ore nikla hua hai aur yeh housing assembly ko sahara deta hai. Spindle ke upar churiyan hain jis par wing nut kasa jata hai.

10.   Housing Assembly.   Housing assembly ke hisse purze is prakar hain :-

(a)    TF Source.          TF source ko aisi jagah fit kiya gaya hai jahan par uspar mortar ke fire ke dauran asar kam se kam ho. TF source raat ke samay range scale aur bubble ko illuminate karta hai.

(b)    Spirit Bubble.    Spirit bubble ko madhya mein karne se kon hasli hota hai.

(c)    Index.     Index ke niche TF source hota hai. Isse fixed range scale ke barkhilaf ghoomakar range hasil karte hai. Index ke upar ek cursor (-) lage range ko jaahir karta hai.

(d)    Plunger.   Plunger index ko apne jagah par lock karke rakhta hai takhi firing ke dauran index na hil jae.

Wing Nut

Spirit Bubble

Range Drum

Mounting Bracket

 

 

 

 

 

 

 

 

 

 

 

Sight ko Mortar par Mount Karna

10.   Allen key ke madad se clamp ke allen head screw ko dheela karein. Mount bracket ke ek ardh gole ko bahar nikalen. Dial sight ko dahine hath se mortar ke dahine ki taraf collar par fit karein. Ardh gole ko wapis fit karein aur screws ko tight kar dein.

 

 

 

 

 

* Allen key ki madad se screw ko dhila karein.

* Sight ko mortar ke dahine FRP par fit karein.

 

 

 

Bhag - 2 Range Hasil Karna

11.   Range Scale Reading.          Range scale par reading is prakar khude hain :-

 

12.   Upar ke table se zahir hota hai ki mortar ko hum donon low aur high angle par fire kar sakte hain :-

(a)    Low Angle.          0 se 45 ke angle ko  low angle kahte hain. Is angle par fire karne se bomb ke uran ka samay aur hawa ka asar kam hota hai.

(b)    High Angle.         45 se 80 ke angle ko high angle kahte hain. High angle mein hum crest line ko clear karte hain.

13.   Range Lagana.   Sight par range is prakar lagaya jata hai :-

(a)    Wing nut ko dhila karein.

(b)    Housing assembly ko ghumakar zarurat shuda range aur charge ke barkhilaf index ko lagayen.

(c)    Wing nut tight karein.

14.   Base plate ko zamin par tika kar mortar ko upar/niche karte hue bubble ko madhya mein layein. Bubble ko madhya mein lane se zarurat shuda kon hasil hota hai.

Bhag - 3 - Suraksha Sambandhit Hidayaten

15.   TF source ek phosphorus coated sealed glass capsule hai. Jismein Tritium gas bhara hai. Jo Beta kirnein Tritium gas se nikalte hain woh phosphorus coating jo kanch ke capsule ke andar chadhaya hai usse absorb kar leta hai aur sath hi illumination deta hai.

16.   Glass capsule ke tut jane se Tritium jo ek hanie karak hai, woh bahar nikal ata hai. Aisa hone par suraksha samabandhit chand ek upaye karne chahiye woh is prakar      hain :-

(a)    Sight/glass bubble se sab aadmi 10 mtr dur chaale jaye aur lagbhag 1/2 ghante tak koi uske nazdik na aaye.

(c)    Tute hue glass/sight ko chimte ki madad se ek polythene bag mein daalen.

(c)    Polythene bag ko 2 ft ke gadde mein dafana dein. Us jagah par radiation warning ki nishani laga daen.

(d)    Workshop ko ittilah karein. Woh nimnlikhit address par aage bhejte hain :-

The Head

Radiation Technology Division

BARC

Trombay - Bombay - 400085

(e)    Jo aadmi/saman TF source ke nazdik hai use sabun se achhi tarah dho lein. Jo aadmi uske nazdik ho uska urine sample bhi liya jaye aur doctor se jaanch kara lena chahiye.

(f)     Jo aadmi TF pradooshit hua hai usse 10 din tak pani aur fruit jayada lena chahiye.