Infantry Ki Visheshtaen AUR Infantry Ki Kismein

  

Infantry Ki Visheshtaen

 

1.         Infantry ki Visheshtaen is prakar se hai:-

 

(a)     Aatma Nirbharta.  Infantry ko larai mein imdadi daston ki madad milti hai lekin kabhi-kabhi aise mauke bhi ate hain ki apne hi hathiyaron ka istemal karte hue dushman ke khilaf karwai karni parti hai. Iske liye Infantry har samay taiyar aur atma nirbhar rahti hai.

 

(b)     Zamin Par Kabja Rakhna. Apne desh ki zamin par har halat mein kabja banae rakhna tatha imdadi daston ke saath milkar dushman se prapt ki gaye jamin par kabja rakhne ka sabse acha kam kewal Infantry hi karti hai. Is ke liye jitni madad ise di jaye utni hi kamyabi se apna task pura karti hai.

 

(c)     Mouqe ke Mutabik Banana.  Infantry har kism ki jamin aur mausam mein, din ho ya raat, andhi ho ya toofan apne kaam ko pura karti hai. Samudri sena ya hawai sena ke saath milkar jis parkar ka operational role diya jata hai, usi parkar mouke ke mutabik apne apko badalte hue task ko pura karti hai.

 

(d)     Harkat ki Kabliat. Har kism ki mushkil ilake ko par kaam karne ki kshamta rakhti hai jo baki daston ke liye kathin hota hai. Infantry paidal harkat karti hai jisse raftar kam hota hai agar ise gariyan di jaye to yeh dusre daston ki tarah tej harkat bhi kar sakti hai. Infantry ko jamin, hawai ya samudra ke raste se ladai ke maidan mein asani se aur jaldi pahunchaya ja sakta hai. 

 

Kamjorian

 

2.        Infantry apne bachao ke liye har waqt taiyar rahti hai, phir bhi niche likhe khatron ke khilaf niptne ke liye kafi kathinayian pesh ati hai. 

 

(a)     Zamini Khatra.  Infantry ko khule ilaqe mein harkat karte samay shatru ke tank, topkhana aur small arms fire tatha machine guns se kafi nuksan pahunchta hai. Phir bhi zamin ka sahi istemal, durust failao aur dhuan se tatha defence ki larai mein anti tank hathiyaron ki madad, over head protection aur durust camouflage tatha concealment se is  khatre ka samna kar sakta hai.

 

(b)     Hawai Khatra.  Jab Infantry harkat khule mein karti hai, tab dushman ka hawai hamala kafi khatarnak sabit hota hai. Lekin troops mein zyada failao, acha chupao aur zamin ka sahi istemal karne se baki daston se kam khatra ho sakta hai. 

 

(c)     Anti Personnel Mine. Infantry ko dushman ki anti personnel minefield se gujarte samay kafi nuksan pahunchta hai aur raftar par bhi asar parta hai. Lekin jawano ko is ke bare mein achha talmel diya jaye to nuksan kam ho sakta hai.

 

Tactics

 

3.        Infantry ki khubian aur kamiyon ko madyanazar rakhte hue ise ek section se lekar upar tak ki banawat mein aisi tartib di gai hai ki Infantry ki harkat tatha defence ki larai mein dushman ke dakhal andaji ke bavjud bagair fire ki madad se apna task pura kar sake.

 

(a)       Tactics hamle mein            - Fire aur harkat.

(b)       Tactics defence mein        - Dekhbhal aur fire. 

 

Infantry Ki Kismein

 

4.         Infantry ki kismein iss prakar hain:-

 

(a)       Standard Infantry.

(b)       Mechanised Infantry.

(c)       Anti Tank Guided Missile Infantry.

(d)       Para Infantry.

(e)       Para Special Forces Infantry.

(f)        Scout Infantry.

Motorised Infantry.