STALKING

 

STALKING

 

 

1.    Ghat Lagane ki Tajwiz.Stalking ki tajwiz banate samay ek stalker ko chand ek baton ka khyal karna chahiye.

 

(a)     Dekhbhal. Stalking shuru karne se pahle ilake ki achchhi tarah dekhbhal karna chahiye aur niche likhe baton ka khyal rakhna chahiye.

 

(i)          Dushman ki position.    Dushman ki position ko madad ke nishano se yaad rakho.

 

(ii)         Dushman ki Dusri Position.   Ho sakta hai ki stalk karne wali position ke alawa dushman ki aur bhi position us ilake mein ho toh uske bare mein pata hona chahiye.

 

(iii)       Akhiri fire position.   Dushman ke nazdik se nazdik akhiri fire position ka chunav. Jahan se dushman ka position theek nazar aaye aur us par kargar fire dala ja sake. Isko madad ke nishan se yaad rakho.

 

(b)     Rasta. Hawai photo, map ya zamin ki banawat ke lihaz se madad lete hue rasta chuno. Rasta chunte waqt chand ek baaton ka khyal rakho.

 

(i)          Time.Raste ka chunav karte samay ek stalker ko yeh sochna chahiye ki  mere paas waqt kitna hai.

 

(ii)         Dabi hue Zamin.Rasta dabi zamin mein chuna jaye taaki dushman ki nazar aur fire donon se bachav mil sake aur khud dekhbhal bhi kar saken.

 

(iii)       Fire Position.   Raaste mein fire position chunana chahiye taaki zarurat padne par jaldi dushman par fire daal sakein.

 

(iv)       Bounds.    Chune hue raaste mein bounds ka hona bahut zaruri hai. Bounds yani aisi jagah jahan par stalker observation yani dekhbhal karne ke liye taiyar ho aur zarurat padne par dushman ke upar waar bhi kar sake.

 

(v)         Rukawat.Raste mein koi rukawat na ho yadi ho to use paar karne ka bandobast kar lena chahiye.

 

(vi)       Dusra Rasta.  Aisa dusra rasta hona chahiye jo zarurat padne par kam mein laya ja sake.

 

 

2.         Stalking ke liye Zaruri Baten.

 

(a)     Chaukannapan.Stalking karne wale jawan ki galti ka natija uski maut se milta hai. Isliye stalker ko hamesha chaukanna aur hoshiyar rahna chahiye. 

 

(b)     Pahal Karna. Agar dushman achanak nazar aa jaye to hamesha pahle us par fire  kiya jaye aur munasib karwai ki jaye ya usi jagah chhup jaye aur waqt milne par nazdik achhi position mein harkat ki jaye.

 

(c)     Dushman ko Dhoka do.  Dhoka dene ki tajweez pahle se bani hui ho. Muktalif awazon se bhi dushman ko dhoka de sakte hain.

 

(d)     Zamin ka Faida. Jahan par chal kar ja sakte hain wahan reng kar mat jao, aise karne se waqt  aur taqat dono barbad hote hain.

 

(e)     Janwaron aur Parindo se Bacho.    Unki harkat aur awazon se dushman ko stalker ki maujudgi ka shak par sakta hai.

 

(f)      Dushman ke Nazdik Jana.       Dushman ke itna nazdik jao jitna zaruri hai. Itna nazdik jao ki dushman ko dekhkar munasib karwai ki ja sake lekin khud dushman ko  dikhai na do.

 

(g)     Fire ki Tartib. Fire bahut soch samajhkar aur sabra se karna chahiye. Stalking ki karwai pura karne ke baad agar goli theek nishane par na lage to tamam karwai bekar hai aur stalker khud dushman ka shikaar ban sakta hai.

 

(i)        Ek position se ek ya do rds se zyada fire na karen.

(ii)       Re-load ki karwai ahista se karen.

(iii)      Yadi dubara fire karna ho to dusri position pahle se chun kar rakho.

 

Chaalen

 

3.         Khali Haath Chaalein.

 

(a)     Bhoot Chaal.  Yeh chaal gahri andheri raat mein us samay istemal kiya jata hai jab aage kuch bhi dikhai na de, ismen donon haath ilake ko ishare se mahsoos karte hain. Chalte samay arh ka istemal karte hue paon ko zamin mein bithaya jaye. Agar hathiyar carry kiya ja raha ho to siling arm position hona chahiye.

 

(b)     Bandar Chal. Donon haath aur ghutne ko zamin ke saath lagao. Chalne ke liye jo haath aage aata hai wahi ghutna aage jayega. Dahine- baen ko dekhte huye aage badho. Is chaal ka 3' tak ki arh ke pichhe istemal kiya jata hai.

     

(c)     Billi Chal.  Dono ghutnon ke bal seat ke upar baith jao. Dono hatheli zamin ke saath  aage badhne ke liye jo haath aage jata hai wohi ghutna aage jana chahiye. Yeh harkat ahista aur dushman ke nazdik pahunchne par ki jati hai. Ruk- ruk kar ek bar dahina hath ek bar baen hath uske saath ghutna bhi aage kiya jaye.

     

(d)     Cheetah Chal I. Dushman ke nazdik 1' ya 2' ka arh ho to cheetah chal ka istemal kiya jata hai. Chhaati ke bal zamin ke saath lete hue kohni aur hatheli ke bal bayen hath ko aage karo, bayen paon ki madad se dahine paon ko aage karo.

 

(e)     Cheetah Chal II.  Dono hath aur paon ki madad se sharir ko aage badhao. Dushman ke ekdam nazdik dhire harkat karne ki zarurat parne par ya fir 1' ki arh ho us samay istemal kiya jata hai.

 

(f)      Ludhakane ki Chal.   Sky line par ya dhalaandar jagah par harkat karne ki zarurat pare to istemal kiya jata hai. Dono hath taang ke bich mein ho.

 

4.         Rifle ke Saath Harkat.

 

(a)     Shikari Position.  Is position ke dauran dahine hath pistol grip par rifle kandhe mein, mag aasman ki taraf.

 

(b)     Dhawa Position.   Bayan hath fore hand guard par dahina hath pistol grip par hona chahiye. Dushman ke saath lagao ho jaye to us samay yeh position istemal kiya jata hai.

 

(c)     Alert Position.  Bayen haath niche ho dahina hath pistol grip par, agar sling lagai ho to kandhe par dali ja sakti hai.

 

(d)     Bandar Chal.Rifle dahine hath mein carrying handle se pakra hona chahiye, sling adhik lambi na ho ek hi hath zamin mein lagayen.

 

(e)     Cheetah Chal No I.  Baen hath fore hand guard par dahina hath small of the butt par kohni aur taang ki madad se aage badhna chahiye.

 

(f)      Cheetah Chal No II.  Rifle Cheetah chal No I ki tarah kohni aur toe ki madad se body ko aage dhakele jaye.

 

(g)     Rolling Ya Ludhakna.  Yeh chal ham sky line par istemal karte hain, aur usmen rifle dono ghutno ke bich mein dabi ho.

 

5.         LMG ke Saath Chalen.

 

(a)     Knee Crawl.  Kamar tak ki arh ho ya kisi diwar ya bandh ke pichhe harkat karne ki  zarurat ho us samay istemal kiya jata hai.

     

(i)          Tariqa.  Kneeling position mein baith jao. LMG ko carrying handle se pakare saath hi angootha dahine ghutne ke saath lagna chahiye.

 

(b)     Side Crawl.   Kisi bhi pahlu ke bal let jao. LMG ko carrying handle se pakra ho aur  dusre hath se flash hider ko pakra ho. Jis pahlu ke bal lete ho usi taang par LMG ko  rakho aur mag andar ki taraf, erion ki takat se age barho.

 

(c)       Cheetah Chal No:I.  Bipod fold, mag age ki taraf, Rifle ki tarah kiya jaye.

 

(d)     Cheetah Chal No II. Dono hathon se LMG ko pakro kohini aur toe ki madad se sharir ko aage dhakelo.

 

(e)     Cheetah Chal Bound Ke Tarike Se.   No I aur No II ikathe Harkat karenge. No I  pistol grip pakrega No II bipod ke pas pakrega bipod band hua dahine hath se barrel aage ki taraf hona chahiye. No I up bolega , ek hi bar LMG aage lejayenge,dubara No I aur No II ki body aage jaigi ismen LMG ready rakhte hain.

 

6.    Stalking ek jawan ki sikhalai ka bahut zaruri hissa hai, iska abhyas har qism ki zamin par hona chahiye. Yeh kaam chand ek shabdon mein pura nahi ho sakta balki is hunar mein mahir hone ke liye kafi abhyas aur tajurbe ki zarurat hai. Islie jawan ko stalking ki karwai ko pura karne ke liye alag alag chalon mein mahir hona chahiye taki woh ek achha stalker ban sake.