NO 77, 80, 83, 90 GRENADE AUR BICAT STRIP

 

NO 77, 80, 83, 90 GRENADE AUR BICAT STRIP

 

1.         Aam Bayan. Sabhi prakar ke grenade ka istemal larai ke maidan mein hone wale shor-gul ke anukaran karne tatha dhuna paida karne ke liye kiya jata hai. Aam taur par ise sikhlai ke dauran istemal karte hain. Parantu  jarurat parne par larai ke maidan me bhi iska prayog kar sakte hain. Sabhi prakar ke grenade ki visheshtaen tatha istemal karne ka tarika niche diya gaya hai.

Grenade No 77

2.         Visheshtayen.      Yeh grenade dhuwen ka parda banane ke alawa aag lagane ke kam men prayog hota hai. Is ke andar safed phosphorus bhara hota hai. Kisi bhi chiz se takrane par yeh phatta hai aur 30 sec tak dhuwan deta hai. Is ka rang hara aur wajan ¾ pound hota hai. Ismein  No 62 detonator hota hai. Ek box mein 34 grenade pack hokar ate hai.

3.     Prime Karna.

(a)    Dhakkan ko kholein (dhyan rahe safety cap alag na ho).

(b)    Detonator ka khali bhag upar ki taraf karke, detonator sleeve men dalein.

(c)     Ab dhakkan ko kas dein.

4.     Unprime Karna.      Prime ke ulat rup mein karwai karo.

5.     Chal.      Safety cap ko nikal kar grenade ko phek diya jata hai to wajan ke karan feeta khul jata hai. Safety bolt striker ke chhed se nikal jata hai. Striker .22 cap par thokar marta hai, shola paida hota hai jo detonator ko aag laga deta hai. Ab detonator phat kar grenade ki body ko faad deta hai aur ismen bhara phosphorus hawa ke sath mil kar dhuwan paida karta hai.

6.     Istemal  (Phekna).      Safety cap ko nikalte samay feeta na niklane paye. Khud position lekar grenade ko golai mein phenkein. Dhyan rahe ki grenade ko najdik na phenkein. Iska khatarnak ilaqa fatne ki jagah se 15 mtr charon taraf hai.

Grenade No 80

7.     Visheshtayen. Yeh grenade bhi dhuwa aur aag paida karta hai. Iske andar safed phosphorus bhara hota hai. Wajan  1¼  pound aur khatarnak ilaka 15 gaz charon aur hai. Iska dhuwan dene ka samay 30 se 40 sec hai. Ek box mein 24 band hokar ate hain.

8.     Prime karna.   

(a)    Grenade ka mulahija karo.

(b)    Mechanism holder ko kholo.

(c)     Igniter set ko .22 cap upar ki taraf karke detonator sleeve mein dalo.

(d)    Mechanism holder ko band karo.

9.     Unprime karna.           Prime ke ulat karwai karo.

10.   Chal.    Safety pin ko nikal kar grenade ko chhod diya jata hai to mechanism holder ajad ho jata hai. Spring ki madad se lever upar uth jata hai aur striker .22 cap par thokar marta hai. Jisse aag ki chingari paida hoti hai jo fuze ko jala deti hai. Detonator phat jata hai aur iska safed phosphorus hawa ke sath milkar dhuan dena shuru karta hai.

11.   Fenkna. Lever par kabu pate hue safety pin nikalo. Posn lekar grenade ko golai mein phenko. Is ka khatarnak ilaka 15 gaz charon taraf hai.

Grenade  No 83

12.   Visheshtayen.    Yeh dhuan dene ke alawa signal dene ke kam mein laya jata hai kyonki yeh char alag-alag rangon ka dhuan deta hai (lal, hara, peela aur neela). Iska wajan 1 pound aur yeh 25 se 45 sec tak dhuwa deta hai. Iski body par dhuwen ka rang likha rahta hai. Ek box mein 24 pack hokar ate hain.

13.   Chal.     Jab pin ko nikal kar ise phenk diya jata hai to lever alag ho jata hai. Striker spring ki takat se .22 cap par chot marta hai. Jisse chingari paida hoti hai jo fuze ko jala kar malmal ki plate ko jala deta hai aur grenade dhuan dena shuru karta hai.

14.   Phekna.               Phekne ke liye karwai No 36 grenade ya No 80 grenade ki tarah hai.

Grenade No 90

15.   Visheshtayen.    Larai mein hone wale shor-gul ka anukaran karne ke liye is grenade ka istemal hota hai. Is ki awaj  No 36 hand grenade ya 2” mor HE Bomb ke jaisi hoti hai. Is ka diameter 1¾”, lambai 8” aur ismen fuze No 11 istemal hota hai. Fuze ka ek sira sling compound se band hota  hai dusra sira ignitor assembly mein hota hai jiske andar 12 gm cracker mixture barud bhar kar kagaj ki thaili mein band rahta hai aur ise sut ya tar se lapeta hota hai. Ek box men 16 grenade ate hain. Fuze ke jalne ke 9 se 15 sec bad fatta hai.

16.   Phekna.           

(a)    Tej chaku ya blade se fuze ko compound (sealing) ke pas se tirchhe rukh kato.

(b)    Kate hue kinare mein aag lagao aur fuze ke jalne ka shak hone par phenko.

17.   Suraksha.

(a)    Safety fuze ko body se jitna ho sake door karo.

(b)    Mitti ke tel ki bati ka prayog na karo.

(c)     Fuze jalne ke turant bad phenko.

(d)    Kharab fuze wale grenade ka istemal na karo.

(e)    Grenade agar thik kam na kare aur fuze asli halat mein ho (jalne ke bad) to 5 min ke bad phir jalaya ja sakta hai.

Bicat Strip

18.   Visheshtayen.

(a)    Sikhlai ke dauran small arms fire ki awaz ka anukaran karne mein kam ata hai.

(b)    Cracker.   Cracker mixture aur sukhi mitti ko ek kagaj ki thaili men dalkar banaya jata hai. Ismen 4 se 6 sec wala fuze fit hota hai. Cracker fuze ka dusra kinara safety fuze ke bich surakh banakar dala jata hai aur tar ya dhage se bandh diya jata hai. Fuze ke kinaro ko sealing compound dwara band kar diya jata hai. Cracker ko chipakne wale feete se lapet diya jata hai. Ek cracker ke andar 10 gm barud hota hai.

19.   Istemal.

(a)    Tej chakoo se cracker ko tirche rukh kato.

(b)    Kinare par safety matches se jalao, jalne par turant phenko.

20.   Hifajat.   Bache hue strip ko box men band karo aur chipakne wala feete se seal kar do.