MVCP AUR QRT

 

MVCP AUR QRT

 

 

MVCP

 

1.         Mobile check post (MCP) ek aisa jariya hai jisse road, track aur footpath par hone wali harkat par control kiya ja sakta hai. Ugarvadi gariyon aur phir paidal in roads, tracks ka istemal karke apne aap ko, hathiyar, explosive ityadi ko ek sthan se dusre sthan par le jate hain. Surksha karamchariyon ko is liye chahiye ki wah ugarvadiyon ki harkat ko mushkil bana dein. MCP agar achanak kisi sthan ya samay par laga di jaye to ugarvadiyon ki gatividhiyon par baadha daal sakti hai.

 

2.         MVCP lagane ke nimn kaaran hain :-

 

(a)       Vidrohiyon ko pakarne ke liye.

(b)       Vidrodhiyon dwara istemal mein lane wale hathiyar, explosive, kaagzat ityadi ko jabt karne ke liye.

(c)        Vidhrohiyon ke harkat/gatividhiyon par ankush lagane ke liye.

(d)       Vidhrohiyon ki gatividhiyon ki khabar haasil karne ke liye.

 

3.         MCP ke Liye Tgts.

 

(a)       Persons.

(b)       Gariyan.

 

4.         MVCP ki Org (Composition).

 

(a)          Search Group.

(i)       Tgt ko search karne ke liye jawan.

(ii)      Identifier.

(iii)    Interpreter.

 

(b)          Covering Group. Is Group ka kaam search group ki kaarwai karne wale jawan ki suraksha karna hai.  

 

(c)          Reserve Group. Iska kaam ugarvadiyon dwara achanak ki gai karwai par action lena hai. Yeh bhaagne wale ugarvadiyon ko pakrne mein saksham honi chahiye aur iske liye isko mobile hona jaruri hai. Tracker Dog ko is party mein shamil karna chahiye.

 

(d)          Protection Group. Yeh MCP ke dono taraf lagaya jata hai aur anya parties ke action ko cover karta hai.

 

5.         MCP ki Nafri. Ek MCP ki suggested nafri is prakar hogi :-

 

 

 

 

SNo	Details	Str	Total	Remarks
1.	Commander (Offr/JCO)	1	1
2.	Search Group	1 JCO, 02 OR	6	Aise 02 group hone chahiye
3.	Covering Group	1 NCO, 01 OR	4	Aise 02 group hone chahiye
4.	Reserve Group	1 JCO, 04 OR	5
5.	Dog handler with tracker dog	1 OR	1
6.	Drivers with vehicle	2 OR	2
7.	Radio Operator with RS  ANPRC with Commander Protection Group	1 OR	1
8.	Identifier        (With   Search Group)	1 OR	1
9.	Interpreter(With        Search Group)	1 OR	1
10.	Police Rep(Mahila Police ke saath)	2	2
	TOTAL		24

 

MVCP se Gariyon ko Check Karna

 

6.         Check Karne ke Liye Gariyon ka Chunao. Kisi bhi gari ko check karne ke chunao ke nimin karan ho sakte hain :-

 

(a)         Gari "Wanted List" mein shaamil ho.

(b)         Gari ko shakiya tarike se istemal kiya ja raha ho.       

(c)          Intelligence report ke aadhar par.

 

7.         Check ke Darje.

 

(a)       Quick Check.  Is prakar ki checking chand minton mein puri ho jati hai jisme gari ko sarsari taur par check kiya jata hai.

 

(b)       Through Check. Is prakar ki checking mein lag-bhag 30 minutes tak lag jate hain. Gariyon ko unload karke check kiya jata hai.

 

(c)        Workshop Check. Yeh detail/vistaar ki checking hoti hai, jismein gariyon ki assemblies ko bhi khola ja sakta hai.

 

8.         Checking Karne ke Tarike.

 

(a)       Checking karne ke liye chune hue sthan par improvised road block lagane chahiye. Yeh karwai concertina coil, drum ya phir gariyon ki madad se kari ja sakti hai.

 

(b)       Jab bhi MCP lagayein, ek ya do gariyon ko check karne ke baad MCP ka sthan badli kar dena chahiye kyonki kuchh samay ke baad ugarvadiyon ko MCP ki khabar mil jayegi.

 

(c)        MCP ki saari parties apna sthan legi aur gari ko halt kiya jayega.

 

(d)       Driver ko gari ko switch off karne ko kahen. Agar gari chori ki hogi to driver yeh karwai nahin kar payega.

 

(e)       Gari ke darwaje aur khirkiyon ko gaur se dekhein. Tute handle ityadi is baat ko zahir karenge ki gari churai hui hai.

 

(f)        Driver ko uska naam aur pata puchh kar aur phir uske driving license se counter check karein. Agar detail alag hon to driver par shak kiya ja sakta hai.

 

(g)       Gari ka Regd No. aur batae huye vyaktiyon ke naam ko "Wanted List" se counter check karein.

 

(h)       Agar gari ki through check karni ho to, gari mein baithe vyaktiyon ko bahar utarne ko kahen. Unke upar guard lagayen aur phir unka sikhhe tarike se body check karein.  

 

(j)         Phir gari ko vistaar (detail) se check karein. Gari ko check karte samay dicky, passenger compartment, engine compartment, ityadi achhi tarah se jaanch karein.

 

(k)        Agar jarurat pare to driver aur sawariyon ko alag-alag karke poochhtaachh karein. 

 

MCP Dwara Admiyon ko Check Karna

 

9.         Check Karne ke Prakar.

 

(a)       Quick Body Check.  Jab adhik vyakitiyon ko check karna ho ya detailed body check karna mumkin na ho. Is checking ka uddesh hai ki jaldi se hathiyar ya aisi vastu ko pakda jaye jo ki ugarvadi checking karne wale jawan par istemal kar sakta hai.

 

(b)       Detailed Body Check.  Is checking mein detail checking ki jati hai aur ho sake to ek kamre ka intjam bhi kiya jaye.

 

10.       Admiyon ko Check Karne ka Tariqa.

 

(a)       Jis vyakti ko check karna hai us vyakti ko kisi deewar ya gari ke sahaare khara karein. Agar yeh mumkin na ho to, vyakti ko us prakar khara hone ko kahen ki uski taange khuli hon aur baju sir ke upar faile hon.

 

(b)       Jin vyaktiyon ko check karna ho unke upar guard hona chahiye.

 

(c)        Check karne wala, checking pichhe se, sir se paon ki disha mein karen.

 

(d)       Check karte samay donon haathon ka istemal kiya jaye.

 

(e)       Mahilaon ki checking mahila police dwara ki jaye. Agar mahila police na ho toh, group mein se kisi mahila ki madad lein.

 

 

11.       Checking ke Dauran Dhyan mein Rakhne wali Baaten.

 

(a)       Checking hamesha hoshiyari, tezi aur dhyan se ki jaye. Kisi ko bhi pareshan ya nuksan na pahunchayein.

 

(b)       Jab kisi gari ko check karein, to saaman ke malik (owner) ka pata pehle laga liya jaye taki baad mein us aadmi ko pahchana ja sake.

 

(c)        Sabhi zaruri documents, jaise ki driving license ityadi, ko theek se check karein. Yeh aapko shakiya aadmi pakarne mein madad pahuncha sakta hai.

 

(d)       Metal Detector ka istemal kiya jaye.

 

(e)       Checking ke baad gari ke driver se "No Claim Cert" prapt karein.

 

(f)        Jin aadmiyon ki checking ki ja rahi hai, unko lagatar observation mein rakhein aur unke chehre ke bhavon (expression) ko note karte rahein. Isse unhe pakarne mein madad milegi.

 

(g)       Checking ke baad, ek "Check Report" banai jaye. "Check Report" mein nimn baaten shaamil karein :-

 

(i)            Check kiye gaye aadmiyon ki detail.

(ii)           Check ka sthan aur samay.

(iii)          Shakiya evidence ki jaankari aur us par ki gai karwai ka bayan.

(iv)          Commander ka naam, jisne check karne ka hukum diya ho.

(v)           Checking ka samay, check kiye hue aadmiyon ka bartav aur unke

dwara di  gai statements.

(vi)      Checking karne wale aur witnesses ke hastakshar. 

 

Quick Reaction Team

 

12.       Jab bhi ugarvadiyon ka contact suraksha karamchariyon se hoga, uska sabse pahle reaction contact todna hoga. Jahan tak security forces ka sawal hai, unhe chahiye ki ek baar sthapit hue contact ko na tootne den aur ugarvadiyon ko pakarne ya barbad karne ki koshish karein. Is baat ko haasil karne ke liye jaruri hai ki kuchh force ko reserve rakha jaye jo ki diye hue sthan par kam se kam samay par pahunch sake. Aise reserve troops ko quick Reaction Team (QRT) kehte hain. Yeh mobile hoti hain aur kisi bhi saathan par bina samay barbad kiye hue pahunch jati hain.

 

 

Quick Reaction Team (QRT) ka Basic Concept

 

13.       Ugarvadi apne operations stealth (chupke) aur surprise ke aadhar par karte hain. Is baat ko madhya nazar rakhte hue yeh jaruri hai ki teji se, chhoti tukdi dwara kiya gaya reaction jyada labh-dayak hoga vanispat kisi deliberate planned action ke. Isi basic concept ko dhyan mein rakhte huye QRT ko banaya gaya hai.

 

QRT ki Banawat (Composition)

 

14.       Ek QRT ki banawat ek Rifle Platoon less a section (yani ki Offr/JCO aur 18 OR) ke aadhar par honi chahiye.

 

15.       Har Company mein ek QRT hamesha taiyari halat mein honI chahiye. Battalion HQ mein bhi aise hi ek QRT honi chahiye. QRT do gariyon par aadharit honi chahiye jismen ek jeep/jonga aur dusra 1 Ton ho sakta hai.

 

Ek QRT ki detail Organisation.

 

16.       Nafri.              1 Offr/JCO aur 18 OR jinki baant is prakkar ho :-

 

(a)         Commander   -  1 Offr/JCO.

(b)         2IC   -  1 Offr/JCO.

(c)          Radio Operation   -  1 with Radio set ANPRC 25 WB.

(d)         Veh Protection party. -  1 NCO aur 5 OR jismen 2  drivers shamil hain.

(f)           OR   -  13

(g)         Tracker Dog aur handler.     

 

17.       Arms and Ammunition.

 

(a)       Commander, 2IC aur Radio Operator - Sten aur 2 bhari magazine.

(b)       LMG - 2 LMG aur har ek LMG ke saath 5 bhari magazine.

(c)        Rifle - 10 SLR aur har rifle ke saath 2 bhari magazine.

(d)       Hand Gren - 12 Nos. Jo ki donon gariyon mein barabar jawanon ko baante hue hon.

(e)       Mini Flare - 1 aur 3 Carts (Lal, Hara aur ill (each)).

 

18.       Equipment.  Har gari mein nimn saman hamesha rakha hua hona chahiye:-

 

            (a)       Ek ANPRC 25 aur do spare batteries.

            (b)       Ek din ka ration.

            (c)        Har jawan ke liye ek torch aur 02 search lights.

            (d)       Medical Haversack.

            (e)       Identifier ka chehra dekhne ke liye mask/burka.

            (f)        Blind folding kit - 2 set.

            (g)       Line bedding/Hand cuffs - 2.

            (h)       Ilake ka map/enlargement.

            (j)         Ugarvadiyon ke photographs aur list.

            (k)        Ek spare jarricane petrol ka.

19.       QRT ko nimn task diye ja sakte hai:-

 

            (a)       Kisi recorded gari ka peechha karna.

            (b)       Spot check/ Road frisking karna.

            (c)        Kisi shakiya dukan, jhopdi ya ghar ki search.

            (d)       Stops ka kaam karna.

            (e)       Khabar haasil karna.

            (f)        Bade operations se pahle base banana.

            (g)       Turant ilaqe ki sealing/cordon karna.

            (h)       Link patrol sthapit karna.

            (j)         Ambush lagana.

            (k)        Kisi patrol ko reinforce karna.

            (l)         Short notice par kisi VIP ka escort duty karna.

            (m)      Ugarvadiyon ko escort karke interrogation ke liye interogation Cell le jana.

 

Karwai ka Sequence

 

20.       Jaisi hi mov order milta hai, OIC QRT turant apne hukum deta hai. Ek QRT ka sequence of action is prakar se ho sakta hai :-

 

(a)       Orders issue karna.

(b)       Gariyon mein baithna.

(c)        LMG ko fix karna aur mag ko bharna/fix karna.

(d)       Radio set ko netting karna aur milap isthapit karna.  

(e)       Detail briefing mov ke dauran jari rakhna.

(f)        Di hui site par pahunchane par apne operations ki progress dete rahna.

 

QRT Ki Readiness ki Stithi

 

21.       QRT 3-5 minute ke ander mov ho jani chahiye iske liye QRT ko hamesha ready halat mein rakhna chahiye. Do tariqe hain jisse is baat ko yakin kiya ja sakta hai:-

 

(a)       Din mein QRT ki Readiness.

 

(i)       QRT mein detail aadmi company ke ander apni normal duty karte rahein, prantu unhein company ke bahar na bheja jaye.

 

(ii)      Hathiyar, ammunition aur anya equipment alag sthan par ready halat mein  rakhne chahiye.

 

(iii)    Gaariyan (jis mein ki driver saath taiyar honge) kahin bhi detail nahi ki  jayengi.

 

(iv)    Pahle mukarar kiye gaye signal ke hote hi, team alert ho jayegi aur mov ke liye  taiyar ho jayegi.

 

(b)       Raat mein QRT ki Readiness.

 

(i)         Raat mein QRT mein detail aadmi ek sthan par ikattha rahenge.

 

(ii)        Sote hue har aadmi uniform aur boot laga kar soyega aur uske    equipment gari  mein rakha hoga.

(iii)       Gariyon mein equipment aur sabhi saaman rakha hua hoga aur drivers gariyon ke pass hi soyenge.

(iv)       Jaise hi hukum milta hai, yeh warning hoti hai, QRT mov ke liye taiyar honge.

 

22.       Hamare hathiyar, saaman, leadership aur sikhlai ugarvadiyon se bahut ache darze ki hai. Hamare aadmi zismani taur par hostile se bahut achhe aur discipline wale hain. Agar har jawan CI operations mein Road opening, convoy protection, MCP jaise defensive operation ko achhi tarah se karta hai, to koi karan nahin ki ugarvadi apne uddesh mein kabhi bhi safal ho sakein.