FASLE KA ANUMAN LAGANA

 

 

 

Fasle ka Anuman Lagane par Asar Dalne Wali Baten

 

1.                   Fasle ka anuma lagate samay asar dalne wali do baten hain :-

 

                      (a)           Zamin ki banawat

                      (b)           Mausami halat.

 

2.                   Chahe ham kisi bhi tarike se duri ka anuman lagaen, mausum ya zamin ki banawat ke karan fasla kam ya jaida lagta hai. (Pahle ham dekhte hain ke fasla asal se kam dikhai kab deta hai yani lakshya jitna dur hota hai woh kab kam duri par malum padta hai).

 

3.                   Fasla Asal se Kam Lagane ke Karan.

 

                      (a)           Jab roshni tej hoti hai ya suraj prekshak (observer) yani dekhne wale ke pichhe                                 chamkta hai.

                      (b)           Jab lakshya aas-pass ki chizon se bara hota hai.

                      (c)                      Jab prekshak aur lakshya ke beech kuch agochar bhumi (dead ground) ho.

                      (d)           Jab neche se upar ko dekhte hain jaise ke pahadi ilaque mein.

 

4.                   Abhi ham dekhte hain ke duri zaida kyon lagti hai. Yani (Lakshya jitna dur hota hai, usse bhi aage malum padta hai).

 

5.                   Fasla Asal se Ziada Lagne ke Karan.

 

                      (a)           Jab roshni kam hoti hai ya suraj prekshak ki ankhon mein adti  padti ho.

                      (b)           Jab laksh aas-pass ki chizon se chota hota hai.

                      (c)                      Jab ghatti (valley) ke par dekhten hain.

                      (d)           Jab nichhe let ke (Lying position) dekhten hain.

                      (e)           Jab laksh ko street yani galion, jungle ki pagdandi jaise tang jagon ke bich se                                dekhte            hain.

                      (f)                      Jab pahadi ilaque mein upar se niche dekhten hain.

 

Fasle Ka Anuman Lagane Ke Tarique Aur Mafi Galti 

 

6.                   Duri napne ke tarique.

 

                      (a)           Ikai ka tarika (map unit ka tarika).

                      (b)           Dikhai ka tarika.

                      (c)                      Awaz ka tarika.

                      (d)    Bearing ka tarika.

 

 

 

7.                   Ikai ka Tarika (Unit of Measure Method).  Is tarike se kaam lene ke liye jawan zamin par 100 gaz tak ki duri ka anuman lagane mein mahir hona chahiye. Is tarike se 400 gaz tak ki duri asani se napi ja sakti hai. 400 gaz tak ke target ki duri malum karne ke liye pahle 100 gaz tak ka anuman lagao phir usse 100-100 gaz ki badotri tab tak karte raho jab tak usse target tak na pahunch jaye. Isse us target ki duri malum ho jayegi 400 gaz se agge dur ke target ki duri ke liye is tarah malum karo. Us target ki adhi duri ka upar batay dhang se andaja lagao phir us duri ko dugna kar do. Isse target ki duri malum ho jayegi. Is tarike ki kamyabi kewal 1000 gaz tak ke tarangeeton ke liye hai.

 

8.                   Laksh Dekhkar Uski Duri Malum Karna (Appearance Method).       Is tarike mein laksh ki duri ka andaza is baat se lagaya jae ki woh kitna bada ya uski dusri chizen kitni dikhai deti hain. Is tarike se sahi duri tabi malum hogi jab jawan ko yah pata ho ki kitni kitni duri par koi chiz kitna bada dikhai deta hai.

 

                      (a)           200 m par - Jawan ka pura sharir saaf dikhai deta hai.

                      (b)           250 m par - Ghutne tek position mein jawan fore sight blade se cover ho jata hai.

                      (c)                      300 m par - Chehra dhundla dikhai deta hai.

                      (d)           400 m par - Pura sharir dikhai deta hai, lakin chahra saaf nazar nahin ata.                                                  Foresight            tip khare admi ko cover karta hai. 

                      (e)           500 m par - Kandhe se uparwala hissa patla dikhai deta hai, anng dikhai nahin                        dete    aur pura sharir patla dikhai deta hai.

                      (f)                      600 m par - Sir, nukta jaisa dikhta hai,ang dikhai nahi dete aur pura sharir patla                                  dikhai deta hai.

                      (g)           200 m par kneeling position wale jawan ko INSAS rifle ki foresight cover karti hai.

                      (h)           350 m par khare jawan ko INSAS rifle ki fore sight cover karti hai.

 

9.        Dhwani ka Tarika (Sound Method).            Dhwani yani awaz hawa mein ek sectionond mein takriban 366 gaz (1100ft) tak jati hai. Isse duri ankne mein asani hoti hai. Lekin is ke liye goli ka asar ya sound jaruri hai. Udharan ke liye Jab tum din mein goli dhuan ya dhul ya raat mein chamak dekho tab fauran ek section mein 4 (char) ke hisab se ginti ginni shuru karo. Jab dhamaka suno tab ginna band karo. Rukne tak jitne number tumne gine hain woh utne 100 gaz ko zahir karenge aur wohi range bhi hogi. Agar teen ki ginti rukoge to range hogi 300 gaz. Agar dhamaka sunne se pahle 8 tak gin liya hai to range 800 gaz.

 

10.     Shuru shuru mein ek jawan ko sahi ginti ginne ki raftar nahin aati.                      Yeh abhyas se ati hai. Iske abhyas ke liye malum duri se fire karo aur ginti ginne ka abhyas karo. (Student butt mein gallery ke andar) Jab aap correct supporteed se count karenge to 5 section mein 10 tak do bar ginti kar sakoge. (Jab 10 se jaida ginti karte hain to 10 ke bad dubara ginti karen, kyon ki 11, 12, 13 ginne mein timing kharab ho jati hai). Sahi ginti ginne ke liye yadi raftar dhimi karni padhe to dhimi karao aur agar badhani pade to badao. Achha abhyas kar lene par ankh se dekh kar duri ankne ke bajae is tarike se jaida duri ank sakte hain. Raat mein to yeh tarika bahut hi kaam ka hai.

 

11.      Bearing ka tarika.

 

                      (a)             Jis point ka distance nikalna hai uska compass se bearing nikalo. Bearing ko                          note            karo aur jis jagah se bearing liya hai use mark karo.

                     

                     

                      (b)           Ab dayen ya bayen target se 9 baje ki line mein utna chalo ki bearing mein 5                                             degree ka farq aa jaye. Jagah ko  mark karo. Pahla nishan aur dushara nishan ke                                             beech mein duri ko mtr mein napo. Jitni bhi duri aati hai usko 11.4 se guna karo.  Jo bhi                 yog ata hai woh distance hoga. 

 

Fasle Ka Anuman Lagate Samay Mafi Galti

 

12.      Duri napne ke abhyas mein kitni galti ki chut hai. Duri ankne mein galti hone par itni chhut (+ ya - ) mil sakti hai.

 

                      (a)           300 gaz tak ki duri ke liye. Sahi duri se 10% kam ya zaida udharan ke liye agar koi            lakshya 300 gaz par hai to uske liye 30 gaz kam ya zaida ki galti maaf hai.

 

                      (b)           300 gaz se adhik duri ke liye. Sahi duri se 15% kam ya jaida.

 

13.      Waise to fasle ka anuman lagana kafi asan hota hai lekin jab iska abhyas kiya jata hai to kafi musklen pesh ati hain. Iska abhyas karte samay un sab baton ko dhyan mein rakhna chahiye jo anuman lagate samay asar dalti hain. Iska us samay tak abhyas dena chahiye jab tak anuman lagane wale mafi galti ke andar nahin pahunch jate.

 

14.      Lakshya malum karne ke bad use kargar tarike se barbad karna padta hai. Is liye lakshya ka pata chalte hi apne kisi sathi ya commander ko batana aniwarya hai. Isi ke liye "Target indication aur Fire Control Orders" ke bare mein jankari hona zaruri hai jo ki agle lesson ka hissa hai..